Anushka:நம்ம அனுஷ்காவா இது.?: லேட்டஸ்ட் போட்டோவை பார்த்து திட்டித்தீர்க்கும் ரசிகர்கள்.!

தமிழ் சினிமாவில் ரஜினி, விஜய், சூர்யா என பல முன்னணி நட்சத்திரங்களுக்கு ஜோடியாக நடித்து பிரபல நடிகையாக வலம் வந்தவர் அனுஷ்கா. தமிழ் மட்டுமல்லாமல் தெலுங்கிலும் முன்னணி நடிகையாக திகழ்ந்தார். தற்போது இவர் உடல் எடை காரணமாக புதிய படங்கள் எதிலும் நடிக்காமல் இருந்தார். இந்நிலையில் அனுஷ்காவின் புதிய புகைப்படங்கள் சோஷியல் மீடியாவில் வைரலாகி ரசிகர்கள் மத்தியில் பேரதிர்ச்சியை ஏற்படுத்தியுள்ளது.

பாகுபலி படத்திற்கு பிறகு பெரிதான வாய்ப்புகள் இல்லையென்றாலும் தென்னிந்திய ரசிகர்களின் விருப்பமான நடிகையாக திகழ்பவர் அனுஷ்கா. இவர் 'இஞ்சி இடுப்பழகி' என்ற படத்திற்காக எக்கச்சக்கமாக உடல் எடையை கூட்டினார். இந்தப்படத்தின் ரிலீசுக்கு பிறகு அதை குறைக்கவும் படாதபாடு பட்டார் அனுஷ்கா. ஆனாலும் அவரால் உடல் எடையை குறைக்க முடியவில்லை.

இதனால் அவருக்கு புதிய பட வாய்ப்புகள் எதுவும் கிடைக்கவில்லை. கடைசியாக மாதவன் நடிப்பில் வெளியான 'சைலன்ஸ்' என்ற படத்தில் நடித்திருந்தார். சஸ்பென்ஸ் த்ரில்லர் படமான இதில் வாய் பேச முடியாத, காது கேட்காத பெண்ணாக நடித்திருந்தார். இந்தப்படமும் சொல்லிக்கொள்ளும் படியான வெற்றியை பெறவில்லை.

இந்நிலையில் அனுஷ்காவின் லேட்டஸ்ட் லுக்கை பார்த்து ரசிகர்கள் பேரதிர்ச்சி அடைந்துள்ளனர். அதாவது மகாசிவராத்ரியை முன்னிட்டு கோவில் ஒன்றில் வழிபாடு செய்துள்ளார் அனுஷ்கா. அங்கு எடுக்கப்பட்ட புகைப்படங்களும், வீடியோக்களும் சமூக வலைத்தளங்களில் வைரலாகி வருகின்றனர். அதனை பார்த்த ரசிகர்கள் 'பாகுபலி' படத்தில் நம் மனதை கொள்ளை கொண்ட தேவசேனாவா இது என அதிரிச்சியுடன் கமெண்ட் அடித்து வருகின்றனர்.

அந்தளவிற்கு அனுஷ்காவின் உடல் எடை அதிகரித்து அடையாளம் தெரியாத லுக்கில் இருக்கிறார். மேலும், இதற்கெல்லாம் காரணம் 'இஞ்சி இடுப்பழகி' டைரக்டர் தான் என விளாசியும், மீம்ஸ்யும் போட்டு வருகின்றனர் ரசிகர்கள். ஆர்யா முக்கிய கதாபாத்திரத்தில் நடித்திருந்த இந்தப்படம் உடல் பருமன் குறித்த விழிப்புனர்வை ஏற்படுத்தும் விதமாக உருவாகி இருந்தது. மேலும், இஞ்சி இடுப்பழகி படத்திற்காக அனுஷ்கா கிட்டத்தட்ட 30 கிலோவுக்கு தன்னுடைய எடையை அதிகரித்தது குறிப்பிடத்தக்கது.