ரஜினி அரசியல் பிரவேசத்திற்காக யாகம் நடத்திய ரசிகர்கள்

நடிகர் ரஜினிகாந்த் அரசியலுக்கு வர வேண்டும் என்று பிரார்த்தித்து அவரது ரசிகர்கள் சிறப்புப் பூஜைகள் செய்துள்ளனர்.

நடிகர் ரஜினிகாந்த் சிங்கப்பூருக்கு மருத்துவ சிகிச்சைக்காக சென்று திரும்பியதும் அவரது ரசிகர்கள் அவருக்காக பல்வேறு சிறப்பு இறை வழிபாடுகள் செய்தார்கள். இதன் பிறகு, கோச்சடையான், கபாலி என படங்களில் நடித்துவிட்டு இப்போது எந்திரன் படித்தின் இரண்டாம் பாகமான 2.0 படத்திலும் காலா படத்திலும் நடிக்கிறார்.
அண்மையில் ரசிகர்கள் சந்திப்பை நடத்திய ரஜினி, தற்போதைய அரசியல் சூழல் குறித்தும் அவரது அரசியல் பிரவேசம் குறித்தும் பேசினார். அதிலிருந்து தமிழக அரசியலில் அவர் களமிறங்குவார் என்ற எதிர்பார்ப்பு ஏற்பட்டுள்ளது.



இந்நிலையில், மதுரையைச் சேர்ந்த ரஜினி ரசிகர்கள் ரஜினி நீண்ட ஆயுளுடன் வாழ வேண்டும் என்றும் அவர் விரைவில் அரசியலுக்கு வர வேண்டும் என்றும் பிரார்த்தித்து, அவரது ஜாதகத்தை வைத்து சிறப்பு யாகம் செய்துள்ளார்கள். இதே போல, ராமநாதபுரம், பரமக்குடி ரஜினி ரசிகர்கள், சிறப்பு பூஜை செய்து அன்னதானமும் செய்துள்ளனர்.