அஞ்சானும் காப்பானும் ஒன்ணா? இது என்ன புதுக்கதை.

சமீப காலமாக வெளியான சூர்யாவின் எந்தப் படங்களும் போதிய வரவேற்பு பெறலை. இதனால் கலக்கமடைந்துள்ள சூர்யா காப்பான் மீது பெரும் நம்பிக்கையில் இருக்கிறார். அடுத்த வாரம் படம் வெளியாக உள்ள நிலையில சூர்யாவின் மிகப்பெரும் தோல்விப்படமான அஞ்சானுக்கும், காப்பானுக்கும் நிறைய ஒற்றுமைகள் இருப்பதாக இணையத்தில் செய்தி பரவி வருது.

சூர்யா, சம்ந்தா நடிப்பில் இயக்குநர் லிங்குசாமி இயக்கிய படம் தான் அஞ்சான். 2014 ஆம் ஆண்டு ஆக்ஸ்ட் 15ல் இந்தப் படம் வெளியானது. அப்போதைய காலகட்டத்தில் மிகப்பெரும் பட்ஜெட்டில் , ஸ்டைலிஷான தோற்றத்தில் சூர்யா நடிக்க, மிகப்பெரும் எதிர்பார்ப்பில் வெளியானது. ஆனால் அஞ்சான் படத்தோட குழப்பமான திரைக்கதையால் ரசிகர்கர்களை கவராமல், மிகப்பெரும் தோல்விப்படமாக அமைஞ்சது. ஆனால் அதே ஆகஸ்ட் 15 தேதியில் இயக்குநர் பார்த்திபன் இயக்கத்தில் புதுமுகங்கள் நடிக்க, சோதனை முயற்சியாக உருவாகியிருந்த கதை, திரைக்கதை, வசனம், இயக்கம் திரைப்படம் வெளியாகி மிகப்பெரும் வெற்றி பெற்றது.

மிகப்பெரும் பட்ஜெட்டில் உருவான அஞ்சான் படத்தை விட நல்ல கதையம்சத்துடன் உருவான கதை, திரைக்கதை, வசனம், இயக்கம் திரைப்படத்திற்கு மக்கள் ஆதரவளிச்சாங்க.

காப்பான் திரைப்படம் அடுத்த வாரம் செபடம்பர் 20 ல் ரிலீஸாகவுள்ளது. கே வி ஆன்ந்த் இயகத்தில் சூர்யா மூன்றாம் முறையாக நடிக்கும் இந்தப்படம் மிகப்பெரும் பட்ஜெட்டில் உருவாகியிருக்கு. ஆர்யா, மோகன்லால், சாயிஷா என மிகப்பெரிய நட்சத்திர பட்டாளம் நடிச்சிருக்கும் இந்தப்படம் பல நாடுகளில் படமாக்கப்பட்டுள்ளது. இந்தப்படத்தில சூர்யா பலவித கெட்டப்புகளில் வர்றார். மிகப்பெரிய எதிர்பார்ப்பில் இருக்கிற இந்தப்படம் ரிலீஸாகிற அதே நாளில் இயக்குநர் பார்த்திபன் இயக்கியிருக்கிற 'ஒத்த செருப்பு' படமும் ரிலீஸாகிறது.

'ஒத்த செருப்பு' படம் வித்தியாசமான முயற்சியா ஒரே ஆள் மட்டும் எழுதி, நடிச்சு, தயாரிச்சிருக்கிற படம். இதுவும் சோதனை முயற்சிதான் அப்படின்னு பார்த்திபன் சொல்லியிருக்கிறார். 'காப்பான்' டிரெயலர் சரியில்லைனு எல்லோரும் சொல்லியிருக்கிற நிலையில இப்போ'அஞ்சான்' கூட கதை, திரைக்கதை, வசனம், இயக்கம் படம் வந்த மாதிரி 'ஒத்த செருப்பு' வந்து ஜெயிக்கப் போகுதுனு இணையத்தில் பலரும் சொல்லி வர்றாங்க. ஆனா இது உண்மையில் நடக்குமா, காப்பான் சூர்யாவை காப்பாற்றூவாராங்கிறது அடுத்த வாரம் தான் தெரியும்.