கபாலிக்கு கிடா வெட்டி கண் திருஷ்டி கழித்த ரசிகர்கள்

திருச்சி: சூப்பர் ஸ்டார் ரஜினிகாந்த் நடிப்பில் கடந்த மாதம் 22ம் தேதி கபாலி படம் வெளிவந்தது. வெளிவருவதற்கு முன்பே வணிக ரீதியாக இப்படம் ரூ.200 கோடிக்கு மேல் வசூல் படைத்தது என்று தயாரிப்பாளர் கலைப்புலி எஸ். தாணு தெரிவித்திருந்தார்.

கபாலி டீசர் முதல் நெருப்புடா பாடல் இப்போது வசூல் வரை சாதனை மேல் சாதனை படைத்து வருகிறது. முதல் முதலாக ஆகாயத்தில் பறந்த முதல் படமும் கபாலி தான். கபாலி படத்தை விளம்பரப்படுத்தும் விதமாக கபாலி கிரெடிட் கார்டு, கபாலி நாணயம், கபாலி சிம் கார்டு போன்றவற்றை அந்தந்த நிறுவனங்கள் வெளியிட்டன.

இப்படி இருந்த நிலையில் தற்போது கபாலி படத்திற்கு கிடைத்த வசூல் சாதனைக்கு கண் திருஷ்டி பட்டுவிட்டது. இதனை போக்க கிடா வெட்டி திருஷ்டி கழிக்க வேண்டும் என்று எண்ணிய திருச்சி ரசிகர்கள் திருச்சியிலுள்ள தென்னூர் உக்கிர காளியம்மன் கோவிலில் ஆட்டுக்கிடா வெட்டி கண் திருஷ்டியை போக்கியுள்ளனர். மேலும் கோவிலில் சிறப்பு ஆராதனையும் செய்யப்பட்டதாக தகவல் தெரிவிக்கின்றது.