Dhanush: பொன்னியின் செல்வனுடன் மோதும் தனுஷின் 'நானே வருவேன்': வருத்தத்தில் ரசிகர்கள்.!

தனுஷ் நடிப்பில் கடைசியாக வெளியான மூன்று படங்களும் தொடர்ச்சியாக ஓடிடியில் வெளியாகின. இந்த மூன்று படங்களும் ரசிகர்கள் மத்தியில் வரவேற்பையும் பெறவில்லை. இதனால் ரசிகர்கள் கவலையில் இருந்தனர். அண்மையில் வெளியான ‘திருச்சிற்றம்பலம்’ படம் ரசிகர்களின் அந்த குறையை போக்கியது.

இதனையடுத்து தனுஷின் ‘நானே வருவேன்’ படம் வெளியாகவுள்ளது. செல்வராகவன், தனுஷ், யுவன்சங்கர் ராஜா ஆகிய மூவரும் பத்தாண்டுகளுக்கு பிறகு இந்தப்படத்தில் இணைந்துள்ளனர். புதுப்பேட்டை படத்திற்கு பிறகு இவர்கள் மூவரும் இணைந்துள்ளதால் இந்தப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு ஏற்பட்டுள்ளது. இந்தப்படத்தை கலைப்புலி எஸ் தாணு தயாரிக்கிறார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

‘நானே வருவேன்’ படத்தில் இரண்டு விதமான கெட்டப்களில் நடித்துள்ளார் தனுஷ். அண்மையில் வெளியான இந்தப்படத்தின் டீசரிலே ஹீரோவாகவும், மிரட்டலான வில்லனாகவும் தனுஷ் கலக்கியுள்ளது தெரிய வந்தது. டீசரை பார்த்த ரசிகர்ளோ கமலின் ‘ஆளவந்தான்’ பட பாணியில் இருப்பதாக கமெண்ட் அடித்தனர்.

இந்நிலையில் வரும் 30 ஆம் தேதி பிரம்மாண்டமாக பான் இந்தியா படமாக ‘பொன்னியின் செல்வன்’ படம் வெளியாக இருக்கிறது. மணிரத்னம் இயக்கியுள்ள இந்தப்படத்தில் ஜெயம் ரவி, விக்ரம் ,கார்த்தி, ஐஸ்வர்யா, திரிஷா உள்ளிட்ட நட்சத்திர பட்டாளங்களே நடித்துள்ளனர். இந்தப்படத்திற்கான புரோமோஷன் பணிகள் படு ஜோராக நடைபெற்று வருகிறது. இந்தப்பக்கம் ‘நானே வருவேன்’ படத்திற்காக எந்த புரோமோஷன் பணிகளையும் படக்குழுவினர் செய்யவில்லை.

Vanitha Vijaykumar: வனிதாவின் இரண்டாவது மகளுக்கு என்ன ஆச்சு.?: அவரே அளித்த விளக்கம்.!

மேலும் டிரெய்லர் இல்லாமலே படம் வெளியாகவிருப்பதாகவும் தகவல்கள் வெளியாகியுள்ளன. இதனால் தனுஷ் ரசிகர்கள் அதிர்ச்சியில் உள்ளனர். படத்திற்கான புரோமோஷன் எதுவும் இல்லாமல் ‘பொன்னியின் செல்வன்’ படத்துடன் மோதுவது குறித்த வருத்தத்தில் உள்ளனர். ‘நானே வருவேன்’ படம் வரும் வியாழக்கிழமை வெளியாகவுள்ளது குறிப்பிடத்தக்கது.