சூரி, சிவகார்த்திகேயன் இருவருக்குமே இன்று ஸ்பெஷல் நாள்! குவியும் வாழ்த்து

சிவகார்த்திகேயனின் பல படங்களில் சூரி காமெடியனாக நடித்து இருக்கிறார். மனம் கொத்தி பறவை, கேடி பில்லா கில்லாடி ரங்கா, வருத்தப்படாத வாலிபர் சங்கம் தொடங்கி சென்ற வருடம் வெளிவந்த நம்ம வீட்டு பிள்ளை படம் வரை அவர்கள் பல படங்களில் இணைந்து நடித்து ரசிகர்களை சிரிக்க வைத்திருக்கிறார்கள். அந்த அளவுக்கு தற்போது வரை அவர்கள் கூட்டணி ரசிகர்களை கவர்ந்து வந்திருக்கிறது. சினிமா மட்டுமின்றி அவர்கள் நிஜத்திலும் நல்ல நண்பர்களாகவே இருக்கிறார்கள்.

இந்நிலையில் இன்று சூரி மற்றும் சிவகார்த்திகேயன் இருவருக்குமே ஸ்பெஷலான நாள். சூரிக்கு இன்று பிறந்தநாள் என்பதால் அவருக்கு ரசிகர்கள் சமூக வலைத்தளங்களில் அதிகம் வாழ்த்துக்கள் தெரிவித்து வருகிறார்கள். அது மட்டுமின்றி சிவகார்த்திகேயன் மற்றும் அவரது மனைவி ஆர்த்திக்கு இன்று திருமண நாள். அவர்களுக்கும் சமூக வலைத்தளங்களில் அதிக அளவு வாழ்த்துக்கள் ரசிகர்கள் தெரிவித்து வருகிறார்கள்.

சிவகார்த்திகேயன் மற்றும் ஆர்த்தி திருமணம் பெற்றோர் ஏற்பாட்டின் பேரில் தான் நடந்திருக்கிறது. சிவகார்த்திகேயனின் சொந்த மாமா மகள் தான் ஆர்த்தி என்பது குறிபிடத்தக்கது.




சிவகார்த்திகேயன் மற்றும் ஆர்த்தி ஜோடிக்கு ஆராதனா என்ற மகளும் உள்ளார். சிவகார்த்திகேயன் சினிமாவில் நடிகர், தயாரிப்பாளர், பாடலாசிரியர் என பல விஷயங்களில் கலக்கி வருவது போல அவரது மகள் ஆராதனாவும் கனா என்ற படத்தில் வாயாடி பெத்த புள்ள பாடலை பாடியதன் மூலமாக மிகப்பெரிய அளவில் பாப்புலர் ஆனார். அந்த பாடல் சூப்பர் டூப்பர் ஹிட் ஆனது குறிப்பிடத்தக்கது.

மேலும் கோலிவுட்டின் முன்னணி காமெடி நடிகர்களில் ஒருவரான சூரிக்கு பிரபலங்கள் மற்றும் ரசிகர்கள் பலரும் பிறந்தநாள் வாழ்த்து கூறி இருக்கிறார்கள்.


"எனது அன்பு நண்பர் சூரிக்கு பிறந்தநாள் வாழ்த்துக்கள். கடவுள் ஆசீர்வாதம் உங்களுக்காக எப்போதும் இருக்கும்" என பாடகர் கிரிஷ் கூறி இருக்கிறார்.


இயக்குனர் கெளரவ் நாராயணன் பதிவிட்டிருக்கும் ட்விட்டில் சூரிக்கு பிறந்தநாள் வாழ்த்து கூறியதோடு மட்டுமல்லாமல், நேற்று தன் வீட்டுக்கு சர்ப்ரைசாக வந்ததற்கும் நன்றி கூறி இருக்கிறார்.