Abhinaya Parthiban Wedding : கோலாகலமாக நடந்த பார்த்திபன் மகள் அபிநயா திருமணம்!

தமிழ் சினிமாவில் தயாரிப்பாளரும், இயக்குநரும், நடிகருமாக இருப்பவர் ஆர். பார்த்திபன். இவர் நடிகை சீதாவை காதலித்து திருமணம் செய்து கொண்டார். இவர்களின் இளைய மகள் கீர்த்தனாவுக்கு கடந்த ஆண்டு மார்ச் மாதம் திருமணம் நடந்து முடிந்தது.

இந்நிலையில் இவர்களின் மூத்த மகள் அபிநயாவுக்கு பெற்றோர்கள் முன்னிலையில் சென்னையில் திருமணம் நடைபெற்றது. அபிநயா திருமணம் செய்துள்ள மாப்பிள்ளை வேறு யாரும் இல்லை மறைந்த நடிகர் எம்.ஆர். ராதாவின் மகன் எம்.ஆர்.வாசுவின் பேரன் நரேஷ். நரேஷ் தொழிலதிபராக உள்ளார்.

எம்.ஆர். ராதாவின் மகன் வாசுவின் மகள் சத்யா ஜெயச்சந்திரனின் மகன் தான் நரேஷ் கார்த்திக். முன்னதாக நரேஷ், அபிநயாவின் திருமண நித்சயதார்த்தம் சென்னையில் உள்ள சோழா ஹோட்டலில் கடந்த ஜனவரி மாதம் நடந்தது. அபிநயா, நரேஷ் கார்த்திக் திருமண விழாவில் நடிகர் ராதாரவி கலந்து கொண்டார்.

மேலும் திருமண விழாவிற்கு இயக்குநரும், நடிகருமான பாக்யராஜ் குடும்பத்துடன் கலந்து கொண்டு மணமக்களை ஆசிர்வாதம் செய்தார். மேலும் நடிகர் விஜய்யின் பெற்றோர்களும் கலந்து கொண்டனர். அத்துடன் நடிகர் கார்த்தி தனது மனைவியுடன் வந்து மணமக்களை வாழ்த்தினார்.

முன்னதாக திருமண விழாவில் திரையுலக பிரபலங்கள் பலர் கலந்து கொண்டு மணமக்களை வாழ்த்தினார்கள்.