பிரபல இயக்குனர் அனுப்பிய ஒரு எஸ்.எம்.எஸ்ஸால் பதறிப்போன பிரபல நடிகையின் அம்மா!?

ஒரு காலத்தில் பாலிவுட் சினிமாவில் முன்னணி நடிகையாக இருந்தவர் நடிகை ஷில்பா ஷெட்டி. இவருக்கு கோலிவுட்டிலும், பாலிவுட்டிலும் ஏராளமான ரசிகர்கள் உள்ளனர். இவர் பிரபல தொழிலதிபர் ராஜ் குந்த்ராவை திருமணம் செய்துகொண்டார். அவர்களுக்கு 6 வயதில் ஒரு மகனும் உள்ளார். இந்நிலையில் அவர்கள் விவாகரத்து செய்யவுள்ளதாக நேற்று முதல் செய்தி பரவி வருகிறது. அதற்கு காரணம் பிரபல இயக்குனர் அனுராக் பாசு செய்த பிரான்க் தான்.

நடிகை ஷில்பா ஷெட்டியும், அனுராக் பாசுவும், சூப்பர் டான்ஸர் என்கிற ரியாலிட்டி ஷோவில் நடுவர்களாக இருந்து வருகிறார்கள். அந்த நிகழ்ச்சியின் ஷூட்டிங்கின்போது ஷில்பா ஷெட்டிக்கு தெரியாமல் அவரது போனை எடுத்து, இயக்குனர் அனுராக் பாசு, ஷில்பாவின் அம்மாவுக்கு ஒரு எஸ்.எம்.எஸ். அனுப்பியுள்ளார். அதில் ‘கணவருடன் பெரிய சண்டை போட்டு விட்டேன். அவரை விவாகரத்து செய்கிறேன்’ என அதில் குறிப்பிட்டுள்ளார்.

அதைப் பார்த்து ஷில்பா ஷெட்டியின் அம்மா அதிர்ச்சியடைந்து பதறிப்போக, உடனே மகள் ஷில்பாவிடம் போன் செய்து பேசியுள்ளார். ஒன்றும் புரியாமல் இருந்த நடிகைக்கு பின்னர் தான் தெரியவந்தது. அது அனுராக் செய்த காரியம் என்று. அதற்கு ஷில்பா அவர் அம்மாவிடம், “நானாக வந்து சொல்லாமல் எதையும் நம்பாதே” என பதில் கூறியுள்ளார்.