விடிவு காலம் பொறந்தாச்சு: தனுஷின் எனை நோக்கி பாயும் தோட்டா ரிலீஸ் தேதி அறிவிப்பு!

கடந்த 2016 ஆம் ஆண்டு தொடங்கப்பட்ட படம் எனை நோக்கி பாயும் தோட்டா. கௌதம் மேனன் இயக்கியுள்ள இப்படம் 3 ஆண்டுகள் ஆகியும் இன்னும் வெளிவரவில்லை. தனுஷ், மேகா ஆகாஷ் ஆகியோரது நடிப்பில் காதல் கதையை மையப்படுத்திய இப்படம் பல்வேறு பிரச்சனைகள் காரணமாக ரிலீஸ் ஆகாமல் தள்ளிப்போய்க் கொண்டே இருந்தது.

சூரி புது ஹோட்டலுக்கு விசிட் அடித்த மக்கள் செல்வன்!

இப்படத்தின் டிரைலர் வெளியான போது படம் செப்டம்பர் 6 ஆம் தேதி திரைக்கு வரும் தெரிவிக்கப்பட்டது. ஆனால், அப்போது பணப்பிரச்சனை காரணமாக படம் வெளியாகவில்லை. பிறகு கடந்த செப்டம்பர் மாதம் 27 ஆம் தேதி திரைக்கு வரும் என்று அறிவிக்கப்பட்டது. ஆனால், கடைசி நேரத்தில் பின்வாங்கியது.

தலைவன் இருக்கிறான் படத்தில் கமலுக்கு ஜோடியான ரேவதி?

இதையடுத்து, இயக்குநர் கௌதம் மேனன், எனை நோக்கி பாயும் தோட்டா கண்டிப்பாக வரும் நவம்பர் 15 ஆம் தேதி திரைக்கு வரும் என்றார். ஆனால், தற்போது அதுவும் இல்லை போன்று தெரிகிறது. இந்த நிலையில், மறுபடியும் இப்படத்தின் அதிகாரப்பூர்வ வெளியீடு குறித்து அறிவிப்பு வெளியாகியுள்ளது.

கடவுள் பெயரில் டிவி சேனலா? ரசிகர்கள் வருத்தம்!

அதன்படி, வரும் 29 ஆம் தேதி இப்படம் திரைக்கு வரும் என்று வேல்ஸ் பிலிம்ஸ் நிறுவனம் தெரிவித்துள்ளது. இந்நிறுவனம் தான் இந்தப் படத்தை வெளியிடுகிறது என்பது குறிப்பிடத்தக்கது. இப்போதாவது, அறிவித்தபடி ரிலீஸ் பண்ணுவீங்களா இல்லை இதிலும் பஞ்சாயத்து வருமா? என்று பலரும் பலவிதமாக கருத்து தெரிவித்து வருகின்றனர்.

எஸ்கேப் ஆர்ட்டிஸ்ட் நிறுவனம் தயாரித்துள்ள இந்த படத்திலிருந்து வெளியான மறுவார்த்தை பேசாதே, விசிறி, நான் பிழைப்பேனோ போன்ற பாடல்கள் ரசிகர்களை வெகுவாகக் கவர்ந்துள்ளது. மேலும் இந்த படத்தில் சசிகுமார் முக்கிய கதாபாத்திரத்தில் நடித்துள்ளார்.