இம்மாத இறுதியில் 'காஷ்மோரா' முதல் பார்வை போஸ்டர்

சென்னை: கார்த்தி, நயன்தாரா, ஸ்ரீதிவ்யா நடிப்பில் உருவாகி வரும் கற்பனை படைப்பான 'காஷ்மோரா' படத்தின் முதல் பார்வை போஸ்டர் இம்மாத இறுதியில் வெளியாக வாய்ப்புள்ளதாக தகவல்கள் தெரிவிக்கின்றன.

இப்படத்தில் விஷுவல் எபெக்ட்ஸ் பணிகள் வடிவமைக்கப்பட்டு வரும் நிலையில், முதல் பார்வை போஸ்டரை வெளியிட படக்குழு திட்டமிட்டுள்ளது. இப்படத்தில் கார்த்தி 11வேடங்களில் நடித்துள்ளதாக படக்குழுவினர் தகவல் தெரிவித்துள்ளனர்.

மேலும், இப்படத்தின் தமிழ்நாடு திரையரங்க உரிமத்தை சார் தேனாண்டாள் ஃபிலிம்ஸ் நிறுவனம் பெற்றுள்ளதாகவும் உறுதிப்படுத்தப்படாத தகவல்கள் வெளியாகியுள்ளன.

கார்த்தி நடிப்பில் மிகுந்த பொருட் செலவில் உருவாகியுள்ள இப்படத்தை 'இதற்கு தானே ஆசைப்பட்டாய் பாலகுமாரா' பட இயக்குனர் கோகுல் இயக்கியுள்ளார். இப்படத்துக்கு 'கபாலி' இசையமைப்பாளர் சந்தோஷ் நாராயணன் இசையமைத்துள்ளார்.