நடிகை ஷகீலா வாழ்க்கை சுயசரிதை படத்தின் ஃபர்ஸ்ட் லுக் போஸ்டர் வெளியீடு

பிரபல கவர்ச்சி நடிகை ஷகீலாவின் சுயசரிதை படம் பாலிவுட்டில் உருவாகி வருகின்றது. இப்படத்தின் ஃபர்ஸ்ட் லுக் போஸ்டர் வெளியிடப்பட்டுள்ளது.

மலையாள கவர்ச்சி நடிகை ஷகீலாவின் சுயசரிதையை மையமாக கொண்ட பாலிவுட் படத்தை இந்திரஜித் லங்கேஷ் என்பவர் இயக்கி வருகின்றார். ஷகீலாவின் கதாபாத்திரத்தில் பாலிவுட் நடிகை ரிச்சா சத்தா நடிக்கிறார். இப்படத்தின் படப்பிடிப்பு அடுத்த மாதம் துவங்க உள்ளது.

கேரளாவை சேர்ந்த ஷகீலா, 90-களில் கவர்ச்சி உலகில் கொடிகட்டி பறந்தார். இவர் மலையாளம், தமிழ், தெலுங்கு படங்களில் நடித்ததோடு, இந்தியா மட்டுமல்லாமல், உலகளவில் அதிக ரசிகர்களின் செல்வாக்கை பெற்றவர்.


ஷகீலா தனது 16 வயது முதல் திரைப்படங்களில் நடித்து வருகின்றார். இன்றளவும் நடிக்கிறார். அதனால் ஷகீலாவின் கதாபாத்திரத்தில் நடிக்கும் ரிச்சா சத்தாவுக்கு ஷகீலா மாதிரி திரையில் பிரதிபலிப்பது பெரிய சவாலாக இருக்கும் என சத்தா தெரிவித்துள்ளார்.

இப்படத்தின் முதல்பார்வை போஸ்கர் ஷகீலாவின் கிளாமர் பக்கம் போகாமல் சாதாரண கேரளா கசவு பட்டுடுத்தி சத்தா போஸ் கொடுக்கிறார்.