அனிதா மரணம்: நடிகர் சங்கம் இரங்கல்

அரியலூர் மாணவி அனிதா தற்கொலை செய்துகொண்டதற்கு நடிகர் சங்கம் இரங்கல் தெரிவித்துள்ளது.

தென்னிந்திய நடிகர் சங்கத்தின் பொருளாளரும், நடிகருமான கார்த்தி வெளியிட்ட இரங்கல் செய்தியில் கூறியிருப்பதாவது:

தமிழகம் ஒரு நல்ல மருத்துவரை இழந்துவிட்டது. நீட் தேர்வு போன்ற தீடீர் மாற்றத்தை உடனடியாக அமல் படுத்தினால் சமூகம் அதிகமாக பாதிக்கும் .

அதற்கான உதாரணம் தான் அனிதாவின் மரணம். இனியாவது சமூகத்தில் எந்தவொரு முக்கியமான மாற்றத்தை ஏற்படுத்த அரசு நினைத்தாலும் , மாற்றம் சார்ந்த அனைவரது நலன்களையும் கருத்தில் கொண்டு நடவடிக்கை எடுக்க வேண்டும்.

மேலும், தற்கொலை என்பது பிரச்சினைக்குத் தீர்வாக இருக்காது. இதனை அனைவரும் உணர வேண்டும். இந்த சமூகத்தில் அனைத்து வலிகளையும் கடந்தால் மட்டுமே வெற்றியை நிலைநாட்ட முடியும். வெற்றி என்ற மூன்று எழுத்தை சாதாரணமாக அடைந்துவிட இயலாது. ஆகவே, இனி வரும் காலங்களில் தற்கொலை என்ற முடிவுக்கு யாரும் வர வேண்டாம் என்றும் வேண்டுகிறோம்.

இனிமேல் அனிதா போன்றதொரு தற்கொலை மரணம் நிகழாமல் தடுக்க வேண்டும். அனிதாவை இழந்து வாடும் அவரது குடும்பத்துக்கு தென்னிந்திய நடிகர் சங்கம் ஆழ்ந்த இரங்கலைத் தெரிவித்துக் கொள்கிறது
என்று அந்த இரங்கல் செய்தியில் கூறப்பட்டிருந்தது.

for the death of anitha the south indian actors association obituary