ஒரு வருஷமாவா?: அய்யோ, ப்ரியா பவானி சங்கருக்கு அப்படி என்ன பிரச்சனையோ

சின்னத்திரையில் இருந்து பெரிய திரைக்கு வந்து வேகமாக வளர்ந்து வருகிறார் ப்ரியா பவானி சங்கர். அவர் சின்னத்திரையில் இருந்தபொழுதே அவருக்கு ஏகப்பட்ட ரசிகர்கள். ப்ரியா ராஜ்வேல் என்பவரை காதலித்து வருவது அனைவருக்கும் தெரியும். தன் காதலருடன் சேர்ந்து எடுக்கும் புகைப்படங்களை சமூக வலைதளங்களில் வெளியிட்டு வருகிறார் அவர். மேலும் ப்ரியா அண்மையில் தனது காதலருக்கு பிறந்தநாள் வாழ்த்து சொன்ன விதம் ரசிகர்களை கவர்ந்தது.

நடிகைகளிடம் காதல் பற்றி கேட்டால் பெரும்பாலும் அது குறித்து பேச விரும்ப மாட்டார்கள். ஆனால் ப்ரியா வித்தியாசமானவராக உள்ளார். என் காதலில் மறைப்பதற்கு எதுவும் இல்லை. கல்லூரி காலத்தில் இருந்தே காதலிக்கிறோம். எங்கள் ஹெச்.ஓ.டி.க்கு கூட தெரியும். நான் நடிகையாக திட்டமிட்டிருந்தால் ஒரு வேளை காதல் பற்றி ரகசியமாக வைத்திருந்திருக்கலாம். ஆனால் நான் சினிமாவுக்கு வருவேன் என்று எதிர்பார்க்கவே இல்லை என்கிறார் ப்ரியா.

யாராவது காதலிப்பதாக கூறினால் அவர்கள் காலம் முழுக்க சேர்ந்து இருக்க வேண்டும் என்று சமூகம் நினைக்கிறது. அப்படி நடக்கவில்லை என்றால் உடனே அவர்கள் ஏதாவது கருத்து தெரிவிக்கிறாகள், முக்கியமாக அந்த பெண்ணின் கேரக்டரை கொச்சைப்படுத்துகிறார்கள். எதுவுமே தெரியாமல் அடுத்தவர்களின் தனிப்பட்ட வாழ்க்கை குறித்து மக்கள் மோசமாக கமெண்ட் அடிப்பது எனக்கு பிடிக்காது என்று ப்ரியா தெரிவித்துள்ளார்.

கடந்த ஓராண்டு காலமாக நான் தனிப்பட்ட வாழ்க்கையில் போராடிக் கொண்டிருக்கிறேன். இந்த இக்கட்டான சூழலில் வேலை தான் என் மனதிற்கு ஆறுதலாக உள்ளது. படங்களில் நடிக்க வருவதற்கு முன்பு செய்த வேலைகளில் சந்தோஷமாக இருந்தேன், ஆனால் இந்த அளவுக்கு அர்ப்பணிப்புடன் இல்லை என்று ப்ரியா தெரிவித்துள்ளார். ஒரு வருஷமாக கஷ்டப்படுகிறாரா, அய்யோ ப்ரியாவுக்கு அப்படி என்ன பிரச்சனை என தெரியவில்லையே என்று ரசிகர்கள் கவலை அடைந்துள்ளனர்.