லைகர்
புரி ஜெகன்நாத் இயக்கத்தில் விஜய் தேவரகொண்டா, பாலிவுட் நடிகை அனன்யா பாண்டே நடித்து வரும் பான் இந்திய படம் லைகர். அந்த படத்தில் முன்னாள் குத்துச்சண்டை வீரர் மைக் டைசன் நடிக்கிறார் என்று படக்குழு அதிகாரப்பூர்வ அறிவிப்பு வெளியிட்டுள்ளது. லைகர் மூலம் மைக் டைசன் இந்திய சினிமாவில் அறிமுகமாவிருக்கிறார்.
Twitter-Karan Johar
விஜய் தேவரகொண்டா
விஜய் தேவரகொண்டாவின் முகம் பாதி, டைசன் முகம் பாதி வைத்து லைகர் படக்குழு வெளியிட்ட போஸ்டர் ரசிகர்களை கவர்ந்துள்ளது. முன்னதாக குத்துச் சண்டை நடக்கும் ரிங்கிற்குள் விஜய் தேவரகொண்டா அமர்ந்திருக்கும் போஸ்டர் வெளியானது. மைக் டைசன் வருகையால் லைகர் படம் மீதான எதிர்பார்ப்பு அதிகரித்துள்ளது.
மோதல்
லைகரில் குத்துச்சண்டை வீரராக நடிக்கும் விஜய் தேரகொண்டாவுக்கும், மைக் டைசனுக்கும் இடையே மோதல் ஏற்படும் என்று எதிர்பார்க்கப்படுகிறது. மைக் டைசனை அறிமுகம் செய்து வைக்கும் வீடியோவை விஜய் தேவரகொண்டாவும், ஹீரோயின் அனன்யா பாண்டேவும் ட்விட்டரில் ஷேர் செய்திருக்கிறார்கள்.
ரிலீஸ்
லைகர் படத்தை 2020ம் ஆண்டு செப்டம்பர் மாதம் ரிலீஸ் செய்ய திட்டமிட்டார்கள். ஆனால் கொரோனா வைரஸ் பிரச்சனையால் திட்டமிட்டபடி படப்பிடிப்பை நடத்தி முடிக்க முடியவில்லை. லைகர் படத்தை இந்தி, தெலுங்கு, தமிழ், கன்னடம் மற்றும் மலையாளம் ஆகிய ஐந்து மொழிகளில் ரிலீஸ் செய்ய திட்டமிட்டுள்ளனர் என்பது குறிப்பிடத்தக்கது.