ஜி.வி. பிரகாஷுடன் ஜோடி சேரும் ஜீவா!

நடிகர் ஜீவா, தற்போது ஜி.வி. பிரகாஷுடன் ஒரு படத்தில் நடித்துள்ளார்.

எம்.ராஜேஷ் இயக்கத்தில் உருவாகி வரும் படம் ‘கடவுள் இருக்கான் குமாரு’. இந்தப் படத்தில் ஜி.வி. பிரகாஷ் ஹீரோவாக நடிக்கிறார். அவருக்கு ஜோடியாக ஆனந்தியும், நிக்கி கல்ராணியும் நடிக்கின்றனர். மேலும் இந்தப் படத்தில் கெஸ்ட் ரோலாக நடிகர் ஜீவாவும் நடிக்கிறார்.

இயக்குனர் எம். ராஜேஷ் ‘சிவா மனசுல சக்தி’, ‘பாஸ் என்கிற பாஸ்கரன்’, ஓகே ஓகே’ என வரிசையாக வெற்றிப் படங்களை கொடுத்தார். பின்னர் இயக்கிய ‘அழகுராஜா’, ‘வாசுவும் சரவணனும் ஒண்ணா படிச்சவங்க’ ஆகிய படங்கள் படுதோல்வியை சந்தித்தன. மீண்டும் ஒரு வெற்றிப் படத்தைக் கொடுத்த தற்போது ஜி.வி. பிரகாஷை வைத்து ஒரு படத்தை இயக்கி வருகிறார் எம். ராஜேஷ். படத்தின் பெயர் ‘கடவுள் இருக்கான் குமாரு’. இந்தப் படத்தை அம்மா கிரியேஷன்ஸ் சார்பில் டி.சிவா தயாரிக்கிறார்.

இந்தப் படத்தின் இறுதிகட்ட பணிகள் முடிவடைந்துவிட்டன. மேலும் படத்தை தீபாவளிக்கு வெளியிட முடிவு செய்துள்ளனர் படக்குழுவினர்.