விஜய் சேதுபதியுடன் இணையும் ஜி.வி. பிரகாஷ்!

நடிகர் ஜி.வி. பிரகாஷ், விஜய் சேதுபதி தயாரிப்பில் ஒரு படத்தில் நடிக்கவுள்ளார்.

நடிகர் விஜய் சேதுபதியின் நண்பர் கணேஷ். இவர் தயாரிப்பில் உருவான படங்கள்தான் ‘ஆரஞ்சு மிட்டாய்’, ‘றெக்க’. இந்த இரண்டு படங்களில் ‘றெக்க’ படம் சுமாரான வெற்றி பெற்றது. இந்நிலையில், ‘ஈட்டி’ படத்தை இயக்கிய ரவிஅரசு இயக்கத்தில் ஜி.வி.பிரகாஷ்குமார் கதாநாயகனாக நடிக்கும் படத்தை தயாரிக்கவிருக்கிறார் விஜய் சேதுபதி. பல படங்கள் கைவசம் இருப்பதால் தானே போன் செய்து ஜி.வி.பிரகாஷிடம் கால்ஷீட் வாங்கியிருக்கிறார் விஜய்சேதுபதி. இன்னும் பெயரிடப்படாத இப்படத்திற்கான போட்டோ ஷூட் ஜனவரி 1-ஆம் தேதி சென்னையில் நடைபெற்றது.

விஜய் சேதுபதி தயாரிப்பில் இயக்குனர் ரவி அரசுவும், ஜி.வி.பிரகாஷும் முதன் முதலாக இணையும் இப்படத்தின் பர்ஸ்ட் லுக்கை வருகிற பொங்கல் அன்று வெளியிடவுள்ளனர். ஜி.வி.பிரகாஷ் நடித்த ‘புரூஸ்லீ’ படமும் பொங்கலன்று வெளியாகிறது.