8 ஆண்டுகளுக்கு பிறகு மீண்டும் தனுஷ், வெற்றிமாறன், ஜி.வி. பிரகாஷ் குமார் கூட்டணி

வடசென்னை படத்தை தொடர்ந்து வெற்றிமாறன் இயக்கத்தில் அசுரன் படத்தில் தனுஷ் நடித்து வருகிறார். இந்த படத்தில் மஞ்சு வாரியார், நடிகர் கருணாஸின் மகன் ஆகியோர் முக்கிய கதாபாத்திரங்களில் நடித்து வருகின்றனர்.

பூமணி எழுதிய வெக்கை என்ற நாவலை மையப்படுத்தி தயாராகி வரும் இந்த படம் மதுரையை பின்னணியாக கொண்ட கதைக்களத்தில் தயாராகியுள்ளது. தந்தை மற்றும் இரண்டு மகன்கள் என மூன்று கதாபாத்திரங்களில் நடித்துள்ளார் தனுஷ்.

ஆடுகளம் படத்திற்கு பிறகு எட்டு ஆண்டுகளை தொடர்ந்து வெற்றி மாறனுடன் கைக்கோர்த்துள்ளார் ஜி.வி. பிரகாஷ் குமார். இசையமைப்பாளரான ஜி.வி அண்மையில் நடிகராக மாறிவிட்டார். இதனால் பல படங்களுக்கு அவர் இசையமைக்க முடியாமல் போனது.

அதில் அண்மையில் வெளியான ‘வடசென்னை’ படமும் ஒன்று. ஜி.வி. பிரகாஷ் படத்திற்கு இசையமைக்க முடியாமல் போனதை தொடர்ந்து அப்படத்திற்கு சந்தோஷ் நாரயணன் இசையமைத்தார்.

இந்நிலையில் வெற்றிமாறன், தனுஷ், ஜி.வி பிரகாஷ் கூட்டணி எட்டு ஆண்டுகளுக்கு பிறகு மீண்டும் ஒன்றிணைந்துள்ளது. இதுகுறித்த தன்னுடைய ட்விட்டரில் தகவல் வெளியிட்டுள்ள ஜி.வி. பாடலசாரியர் யுகபாரதி வரிகளின் புதிய பாடலை பதிவு செய்து வருவதாக தெரிவித்துள்ளார்.