மூன்று ஹீரோயின்களுடன் ஜோடி போடும் ஜி.வி. பிரகாஷ்!

ஜி.வி.பிரகாஷுக்கு ஜோடியாக நடிகைகள் அமைரா தஸ்தூர், சோனியா அகர்வால், சஞ்சிதா ஷெட்டி ஆகிய மூவரும் நடிக்கவுள்ளனர்.

நடிகர் ஜி.வி.பிரகாஷை வைத்து ‘த்ரிஷா இல்லனா நயன்தாரா’ படத்தை இயக்கியவர் ஆதிக் ரவிச்சந்திரன். இந்தப் படம் மிகப்பெரிய வெற்றியைப் பெற்றது. அடுத்ததாக சிம்புவை வைத்து ‘அன்பானவன் அடங்காதவன் அசராதவன்’ என்ற படத்தை இயக்கினார். இந்தப் படம் மிகப்பெரிய தோல்வியை அடைந்தது.

தோல்வியால் துவண்டு இருந்த ஆதிக் ரவிச்சந்திரனுக்கு மீண்டும் ஒரு வாய்ப்பு கொடுத்துள்ளார் ஜி.வி. பிரகாஷ். தற்போது, மீண்டும் ஜி.வி.பிரகாஷை வைத்து ஒரு படத்தை இயக்கவுள்ளார் ஆதிக் ரவிச்சந்திரன். இந்தப் படத்தை தயாரிப்பாளர் விஷன் மீடியா தினேஷ் கார்த்திக் தயாரிக்கிறார்.

இந்தப் படத்தில் ஜி.வி. பிரகாஷுக்கு ஜோடியாக அமைரா தஸ்தூர், சோனியா அகர்வால், சஞ்சிதா ஷெட்டி ஆகிய மூன்று நடிகைகள் நடிக்க உள்ளனர். மேலும், இந்தப் படத்தில் யோகி பாபு, ஆனந்தராஜ், விடிவி.கணேஷ் உட்பட பலர் நடிக்க உள்ளனர். இந்தப் படத்துக்கு ஜி.வி.பிரகாஷ் இசையமைக்கிறார். தற்போது இந்தப் படத்தின் படப்பிடிப்பு ஊட்டி, காரைக்குடி மற்றும் சென்னையில் நடந்து வருகிறது.