கானா டாட் காம் கவுரவித்த தமிழ் நடிகைகள்!!

சர்வதேச பெண்கள் தினத்தை முன்னிட்டு கானா டாட் காம் திரைத்துறையில் தங்களுக்கு என தனி முத்திரை பதித்து ஜொலித்து வருபவர்களுக்கு என்று சிறப்பு பாடல்களை தொகுத்து வழங்கியுள்ளது.

சர்வதேச பெண்கள் தினம் நேற்று உலகம் முழுவதும் கொண்டாடப்பட்டது. இதை முன்னிட்டு கானா டாட் காம் சிறப்பு பாடல் தொகுப்புகளை கொண்டு வந்துள்ளது. திரைப்படங்களில் நடிகர்கள் மட்டும் ஆட்சி செலுத்தி வந்த காலம் மாறி இன்று நடிகைகளுக்கு என்று கதை அம்சம் கொண்ட படங்கள் வருவது அதிகமாகிவிட்டது.

குறிப்பாக தென் மாநிலங்களில் சமீபத்தில் நடிகைகளுக்கு முக்கியத்துவம் கொடுத்து படங்கள் எடுக்கப்பட்டு, அந்தப் படங்கள் பாக்ஸ் ஆபிசில் வெற்றி பெற்ற கதைகளும் உள்ளன. குறிப்பாக கோலிவுட்டில் நடிகைகள் நயன்தாரா, ஜோதிகாவுக்கு என்று தனியாக கதை எழுதப்பட்டு வருகிறது. சமீபத்தில் அருவி படம் பலத்த வெற்றி பெற்று பாராட்டுக்கள் குவிந்தன.

இந்த வகையில் கோலிவுட்டில் நயன்தாரா, ஜோதிகா, அருவி, தாமரை, ஐஸ்வர்யா ராஜேஷ் ஆகியோருக்கு கானா டாட் காம் மரியாதை செலுத்தி கவுரவித்துள்ளது.