உலகின் வலிமையான மனிதராக ‘கேம் ஆஃப் திரோன்ஸ்’ புகழ் ’மவுன்டேயன்’ தேர்வு

உலகிலேயே மிகவும் வலிமையான மனிதராக அமெரிக்க தொலைக்காட்சி துணை நடிகரான ஹஃப்வோர் ஜுலஸ் பிஜோர்ன்சன் என்பவர் தேர்வு செய்யப்பட்டுள்ளார்.

பிலிஃப்பைன்ஸ் நாட்டில் வலிமையான மனிதர்களை கண்டறியும் புதிய போட்டி ஒன்று நடைபெற்றது. இதில் கலந்துக்கொள்ள பல போட்டியாளர்கள் விண்ணப்பித்திருந்தனர்.

அதில் பங்கேற்ற ஹஃப்வோர் ஜுலஸ் பிஜோர்ன்சன் என்பவர் ஏழாவது முறையாக பங்கேற்றார். அஜானுபாகுவான தோற்றத்திலிருந்த இவர் 6 அடி, 180 கிலோ எடையுடன் இருந்தார்.

உலகின் வலிமையான மனிதருக்காக இந்தாண்டு நடைபெற்ற போட்டியில் கலந்துக்கொண்ட ஹஃப்வோர் ஜுலஸ் பிஜோர்ன்சன் அதிக எடைக்கொண்ட பொருட்களை நொடி பொழுதில் தூக்கி கூடியிருந்த பார்வையாளர்களை குதுகலப்படுத்தினார்.

இறுதியில் அவர் உலகின் வலிமையான மனிதராக தேர்வு செய்யப்பட்டார். இந்த வெற்றிப் பட்டத்தை தவிர உலகின் வலிமையான மனிதர், அர்னால்ட் ஸ்டார்ங்மேன் ஆகிய இரண்டு பட்டங்களையும் இதே போட்டியில் வென்று சாதனை படைத்தார் ஜுலஸ் பிஜோர்ன்சன்.

பல்வேறு ஹாலிவுட் படங்கள் மற்றும் தொலைக்காட்சி தொடர்களிலும் நடித்த் வருகிறார் ஜுலஸ் பிஜோர்ன்சன். குறிப்பாக கேம் ஆஃப் திரோன்ஸ் என்ற தொடரில் தி மவுண்டைன்’ என்ற கதாபாத்திரத்தில் நடித்து வரும் இவர், தனது அஜானுபாகுவான தோற்றத்திற்காக பலகோடி ரசிகர்களை பெற்றுள்ளார்.