”இருட்டு அறையில் முரட்டு குத்து” குத்தும் கெளதம் கார்த்தி!

‘இருட்டு அறையில் முரட்டு குத்து’ படத்தில் நடித்து வரும் கௌதம் கார்த்திக் 3 நாயகிகளுடன் லூட்டி அடிக்கவுள்ளார்.

கௌதம் கார்த்திக் கடைசியாக நடித்த படம் ‘ஹர ஹர மகாதேவகி’. இந்த அடல்ட் காமெடி படத்தை இயக்கியவர் சந்தோஷ் பி.ஜெயக்குமார். இந்தப் படத்தின் நாயகியாக நிக்கி கல்ராணி நடித்திருந்தார். இந்தப்படம் ரசிகர்களிடையே நல்ல வரவேற்பைப் பெற்றது. அதனால் இந்த வெற்றிக் கூட்டணி மீண்டும் இணைந்துள்ளது.

மீண்டும் இயக்குனர் சந்தோஷ் பி.ஜெயக்குமார் கௌதம் கார்த்தியை வைத்து அடல்ட் காமெடிப் படத்தை இயககி வருகிறார். படத்திற்கு ‘இருட்டு அறையில் முரட்டு குத்து’ எனப் பெயர் வைக்கப்பட்டுள்ளது. இந்தப் படத்தில், கௌதம் கார்த்திக் ஹீரோவாக நடிக்கிறார். அவருக்கு ஜோடியாக நடிகைகள் வைபவி ஷாண்டில்யா, யாஷிகா ஆனந்த், சந்த்ரிகா ரவி என மூன்று பேர் நடிக்கின்றனர். தற்போது இந்தப் படத்தின் படப்பிடிப்பு சென்னையில் நடந்து வருகிறது. அடுத்தக்கட்ட படப்பிடிப்புக்காக படக்குழு விரைவில் தாய்லாந்து செல்லவுள்ளது