கவுதம் கார்த்திக்
பிரபல நடிகரான கார்த்திக்கின் மகன் கவுதம் கார்த்திக். மணிரத்னம் இயக்கத்தில் 2013ஆம் ஆண்டு வெளியான கடல் படத்தின் மூலம் தமிழ் சினிமாவுக்கு ஹீரோவாக அறிமுகமானார். தொடர்ந்து என்னமோ ஏதோ, வை ராஜா வை, ரங்கூன், ஹர ஹர மகாதேவகி, இருட்டு அறையில் முரட்டு குத்து, தேவராட்டம், உள்ளிட்ட பல படங்களில் நடித்துள்ளார்.
Nayanthara Honeymoon: இதெல்லாம் ரொம்ப ஓவர்... சிங்கிள்ஸை கடுப்பேற்றும் விக்கி அன்ட் நயன்!
காதல் சர்ச்சை
தற்போது பொன்குமார் இயக்கத்தில் 1947 ஆகஸ்ட் 16 என்ற பீரியாடிக் படத்தில் நடித்து வருகிறார். இதேபோல் சிம்புவின் பத்து தல படத்திலும் நடித்து வருகிறார் கவுதம் கார்த்திக். இதனிடையே தேவராட்டம் படத்தில் தன்னுடன் நடித்த நடிகை மஞ்சிமா மோகனுடன் அடிக்கடி கிசுகிசுவில் சிக்கி வருகிறார் நடிகர் கவுதம் கார்த்திக்.
மறுத்த நடிகை
அவரே தான் மஞ்சிமா மோகனை காதலிப்பதாக கூறியுள்ளார். மஞ்சிமாவின் பிறந்த நாளின் போது அவர் குறிப்பிட்ட வாழ்த்து செய்தியும் பெரும் பேசு பொருளானது. ஆனால் தான் யாரையும் காதலிக்கவில்லை என்ற மஞ்சிமா கவுதம் கார்த்திக்குடன் காதல் என்ற வதந்தியை மறுத்தார்.
அந்தப் பக்கம் நயன்தாரா... இந்தப் பக்கம் இவங்க!
விரைவில் திருமணம்
இந்நிலையில் நடிகர் கவுதம் கார்த்திக் ஊடகம் ஒன்றுக்கு பேட்டியளித்துள்ளார். அதில் தனது காதல் வதந்திகள் குறித்து வாயே திறக்கவில்லை. அதே நேரத்தில் இந்த ஆண்டு தான் திருமணம் செய்து கொள்ளவுள்ளதாகவும், நேரம் வரும் போது அதனை தெரிவிப்பேன் என்றும் தெரிவித்துள்ளார்.