குருநாதா இதென்ன புது ட்விஸ்ட்: கெளதம் மேனனின் லவ் ஸ்டோரியில் வடிவேலு..?

வடிவேலு மீதான பிரச்சினைகள் அனைத்தும் சுமூகமாக பேசி தீர்க்கப்பட்டு மீண்டும் நடிக்கத் துவங்கியுள்ளார். முதலாவதாக லைகா நிறுவனம் தயாரிப்பில் சுராஜ் இயக்கத்தில் உருவாகும் படத்தில் நடிக்கவுள்ளார் வடிவேலு. 'நாய் சேகர் ரிட்டன்ஸ்' என தலைப்பிடப்பட்டுள்ள புதிய படத்தில் நடிக்கிறார் வடிவேலு.

இந்நிலையில் அண்மையில் 'நாய் சேகர் ரிட்டன்ஸ்' படப்பிடிப்பு பூஜையுடன் துவங்கியது. இந்த நிகழ்வில் எடுக்கப்பட்ட புகைப்படங்கள் இணையத்தில் வைரலாகியது. இந்த புகைப்படங்களில் குக் வித் கோமாளி பிரபலம் சிவாங்கி, டாக்டர் பட பிரபலம் ரெடின் கிங்ஸ்லி, நடிகர் ஆனந்தராஜ், முனிஸ்காந்த், ஆர்.ஜே.விக்னேஷ் காந்த் உள்ளிட்டோர் இடம்பெற்றிருந்தது குறிப்பிடத்தக்கது.

இந்நிலையில் 'நாய் சேகர் ரிட்டன்ஸ்' படத்தின் பாடல்கள் கம்போசிங்கிற்காக வடிவேலு, டைரக்டர் சுராஜ், தயாரிப்பாளர்கள் உள்ளிட்ட சிலர் லண்டன் சென்றிருந்தனர். லண்டனில் அவர்கள் குழுவாக எடுத்துக் கொண்ட போட்டோ இணையத்தில் வெளியாகி வைரலானது. அதனை தொடர்ந்து கொரோனா தொற்றால் பாதிக்கப்பட்டு குணமான வடிவேலு தற்போது படப்பிடிப்பில் கலந்து கொண்டு வருகிறார்.

இனி எல்லாமே கடவுள் காட்டும் வழி... அப்பாவின் வழியில் ஐஸ்வர்யா ரஜினிகாந்த்..!
இந்நிலையில் இயக்குநர் கெளதம் மேனன் வடிவேலுவுடன் ஒரு படத்தில் இணைவது குறித்து பேட்டி ஒன்றில் தெரிவித்துள்ளது ரசிகர்கள் மத்தியில் எதிர்பார்ப்பை கிளப்பியுள்ளது. அதில், “வடிவேலுவை வைத்து ஒரு படம் இயக்குவதற்கான பேச்சுவார்த்தையில் இருக்கிறேன். அது ஒரு நகைச்சுவை காதல் படமாக இருக்கும். அவரால் அதை மிகச் சிறப்பாக செய்ய முடியும்.” என்று தெரிவித்துள்ளார்.

கெளதம் மேனன் தற்போது சிம்பு நடிப்பில் 'வெந்து தணிந்தது காடு' படத்தை இயக்கி வருகிறார். விண்ணைத்தாண்டி வருவாயா, அச்சம் என்பது மடமையடா படத்திற்கு பிறகு சிம்பு, கெளதம் மேனன் கூட்டணி மூன்றாவது முறையாக இந்தப்படத்தில் இணைகின்றனர். அநேகமாக இந்தப்படத்திற்கு பிறகு கெளதம் மேனன், வடிவேலு இணையலாம் என எதிர்பார்க்கப்படுகிறது.