Ramya Krishnan Queen வெளியானது குயின் தொடர்: கண் முன்பு வந்து போகும் ஜெயலலிதா

கவுதம் மேனன் இயக்கி வரும் குயின் வெப் தொடரின் முதல் எபிசோட் பெரும் எதிர்பார்ப்புக்கு இடையே எம்.எக்ஸ். பிளேயரில் வெளியாகியுள்ளது. அவர் என்ன தான் இது ஜெயலலிதாவின் வாழ்க்கை வரலாறே இல்லை என்று தெரிவித்தாலும் முதல் காட்சியிலேயே அது பொய் என்பது தெரிந்து விடுகிறது.

ஜெயலலிதா சிமி கரேவாலின் பேட்டியில் கலந்து கொண்ட காட்சியுடன் குயின் தொடர் துவங்குகிறது. அந்த பேட்டியில் பேசும் ரம்யா கிருஷ்ணன் தன் பள்ளிப் பருவத்தை பற்றி விவரிக்கிறார். ஏழ்மையான குடும்பம், தாய்க்கும், மகளுக்கும் இடையே எப்பொழுதுமே பிரச்சனை தான்.

மாடியில் இருந்து கீழே விழுந்து கால் சுளுக்கியபோதும் சிறந்த அவுட்கோயிங் மாணவி விருதை பெற பள்ளிக்கு செல்கிறார் சிறு வயது ஜெயலலிதாவான அனிகா. அவரின் அம்மாவாக நடித்துள்ள சோனியா அகர்வால் தன் பணியை சிறப்பாக செய்துள்ளார்.

Ajith வலிமையில் அஜித் ஜோடியாகும் இஞ்சி இடுப்பழகி?

ஒரு நாள் கூட லீவு போடாமல் பள்ளிக்கு சென்ற அனிகா தான் மிகவும் எதிர்பார்த்த விருது வழங்கும் நாள் அன்று மேக்கப் போட்டு நடிக்க செல்கிறார். மாநிலத்தில் முதல் மாணவியாக வந்ததும் வழக்கறிஞராகும் தன் கனவு மெய்ப்பட போகிறது என்று நம்பிய நிலையில் அவர் உலகமே இடிந்து விழுந்து இருந்த இடம் தெரியாமல் போய்விடுகிறது.

கட்டாயப்படுத்தி படத்தில் நடிக்க வைக்கப்படுகிறார் அனிகா. அவர் சக்தி சேஷாத்ரி கதாபாத்திரமாகவே மாறியுள்ளார் என்று கூற வேண்டும். எந்த சூழலிலும் நம்பிக்கையை இழக்காதவர் ஜெயலலிதா என்பது தெள்ளத் தெளிவாக தெரிகிறது. ஏனோ அந்த குயின் தொடரை பார்த்து முடித்தவுடன் மனதில் இனம் தெரியாத ஒரு அமைதி ஏற்படுகிறது. சின்ன வயதிலேயே எத்தனை கஷ்டம், இருந்தாலும் தாங்கியிருக்கிறார் அந்த இரும்பு பெண்.

ஏன் கவின், இது லோஸ்லியாவுக்கு தெரிந்தால் பிரச்சனையாகாதா?

தொடர் துவங்கியதும் ஆவணப் படம் போன்று தெரிந்தது. மேலும் மெதுவாக நகர என்னடா இது என்ற எண்ணம் ஏற்பட்டது. ஆனால் சிறிது நேரத்தில் அந்த எண்ணம் மாறி கதையுடன் ஒன்ற வைத்துவிட்டார் கவுதம். அடுத்த எபிசோடுக்காக காத்திருக்கிறோம் கவுதம் மேனன்.