Thunivu: ஏகே ரசிகர்களுக்கு அடுத்த ட்ரீட்: 'துணிவு' இசையமைப்பாளர் அதிரடி அறிவிப்பு.!

கடந்த 11 ஆம் தேதி திரையரங்குகளில் வெளியான 'துணிவு' படம் ரசிகர்கள் மத்தியில் அமோக வரவேற்பினை பெற்று வசூலில் மாஸ் காட்டி வருகிறது. 'வலிமை' படத்திற்கு குவிந்த நெகட்டிவ் விமர்சனங்களை தொடர்ந்து 'துணிவு' படத்தில் ரசிகர்களின் பாராட்டுக்களை அள்ளி வருகின்றனர் அஜித்தும், வினோத்தும்.

'துணிவு' படத்தில் அஜித்துடன் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் உள்ளிட்ட பலர் முக்கிய கதாபாத்திரங்களில் நடித்துள்ளனர். போனி கபூர் தயாரித்துள்ள இந்த படத்தின் தமிழ்நாடு வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றியது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

பொங்கலை முன்னிட்டு கடந்த ஜனவரி 11 ஆம் தேதி அஜித்தின் 'துணிவு' மற்றும் விஜய்யின் 'வாரிசு' படங்கள் ஒரே நாளில் ரிலீஸ் ஆனது. இந்த இரண்டு படங்களும் பாக்ஸ் ஆபிசில் போட்டி போட்டு வருகின்றன. வாரிசு படம் பேமிலி ஆடியன்ஸை டார்கெட் செய்தும், துணிவு படம் அதிரடி ஆக்ஷன் காட்சிகளுடனும் வெளியாகி வரவேற்பை பெற்று வருகிறது.

Honey Rose: 62 வயது நடிகருடன் ரொமான்டிக்காக மது அருந்திய பிரபல நடிகை: வெடித்த சர்ச்சை!

பொங்கல், அதனை தொடர்ந்து வந்த வார விடுமுறைகள் இரண்டு படங்களுக்கும் சாதகமாக அமைந்துள்ளது. இதனால் இரண்டு படங்களுக்கும் பாக்ஸ் ஆபிசில் நல்ல வசூல் கிடைத்துள்ளது. மேலும் உலகளவில் வாரிசு, துணிவு இரண்டு படங்களும் 200 கோடிக்கும் மேல் வசூல் சாதனை படைத்து வருவதாக கூறப்படுகிறது.

Thalapathy 67: லோகேஷுக்காக ஆண்டவர் செய்யப்போகும் காரியம்: பரபரக்கும் திரையுலகம்.!

இந்நிலையில் "துணிவு படத்திற்கு இசையமைத்த ஜிப்ரான் தனது ட்விட்டர் பக்கத்தில் பகிர்ந்துள்ள பதிவு இணையத்தில் படுவேகமாக வைரலாகி வருகிறது. அதாவது 'துணிவு' படத்தின் 33 பிண்ணனி இசை தீம் கோர்வைகளின் பெயர்களை வெளியிட்டு விரைவில் இவை அனைத்தும் வெளியாகும்" என பதிவிட்டுள்ளார். இதனால் அஜித் ரசிகர்கள் தற்போது மகிழ்ச்சி அடைந்துள்ளனர்.