பாலா படத்தை திரையிட மறுத்த பிரபல திரையரங்கம்!

பாலா இயக்கத்தில் வெளியாகியுள்ள ‘நாச்சியார்’ படத்தை பிரபல ஜி.கே. திரையரங்கம் திரையிட மறத்துள்ளது.

பாலா இயக்கத்தில் ஜோதிகா, ஜி.வி.பிரகாஷ் உட்பட பலர் நடிப்பில் இன்று வெளியாகியுள்ள படம் ‘நாச்சியார்’. இந்தப் படத்திற்கு பெரிய எதிர்பார்ப்பு இருந்து வந்தது. இந்நிலையில் இந்த படம் தமிழ்நாடு முழுவதும் அதிக திரையரங்குகளில் வெளியாகியுள்ளது.

இந்நிலையில் சென்னையின் பிரபல திரையரங்குகளில் ஒன்றான ஜி.கே. சினிமாஸில் இந்த படம் வெளியாகவில்லை. . திரைப்பட விநியோகஸ்தருடன் ஒப்பந்தம் பற்றிய சிக்கல் நீடித்து வருவதால் ‘நாச்சியார்’ படத்தை எங்கள் திரையரங்கில் வெளியிடவில்லை என்று தியேட்டர் உரிமையாளர் கூறியுள்ளார்.