18லிருந்து 14க்கு மாறிய ‘கோலி சோடா 2’ படத்தின் ரிலீஸ்!

வருகிற 18ம் தேதி ரிலீஸாவதாக இருந்த ‘கோலி சோடா 2’ தற்போது ஜூன் 14ம் தேதிக்கு மாற்றம் செய்துள்ளதாக படக்குழு அறிவித்துள்ளது.

பிரபல ஒளிப்பதிவாளரும், இயக்குனருமான விஜய்மில்டன் இயக்கத்தில் உருவான படம் ‘கோலி சோடா 2’. தற்போது இந்தப் படத்தின் ரிலீஸ் தேதியை தயாரிப்பாளர் சங்கத்தின் வேண்டுகோளை ஏற்று தேதி மாற்றம் செய்துள்ளது படக்குழு.

விஜய் மில்டன் எழுதி, இயக்கி, ஒளிப்பதிவு செய்து, தயாரித்துள்ள படம் ‘கோலி சோடா 2’. இந்தப் படத்துக்கு அச்சு ராஜாமணி இசையமைத்துள்ளார். இந்தப் படத்தில் முற்றிலும் புதுமுகங்கள் நடித்துள்ளனர். இவர்களுடன் முக்கிய கேரக்டரில் சமுத்திரக்கனி நடித்துள்ளார். மேலும் சிறப்புத் தோற்றத்தில் இயக்குநர் கௌதம் வாசுதேவ் மேனனும் நடித்துள்ளார்.


இந்தப் படம், வருகிற 18ஆம் தேதி வெளியாவதாக படக்குழு அறிவித்திருந்தது. ஆனால், தயாரிப்பாளர் சங்கத்தின் வேண்டுகோளை ஏற்று ஜூன் 14ஆம் தேதி ரிலீஸ் செய்யப் போவதாக ட்விட்டரில் அறிவித்துள்ளார் இயக்குனர் விஜய் மில்டன்.