கிளாமருக்கு டாட்டா காட்டும் குப்பத்து ராணி

தமிழ் சினிமாவில் ஒரு காலத்தில் பிஸி ஹீரோயினாக இருந்தவர் பூனம் பாஜ்வா. சேவல், கச்சேரி ஆரம்பம், துரோகி, தம்பிக்கோட்டை உள்பட பல படங்களில் நடித்திருந்தார். கிளாமராகவும் சரி, ஹோம்லி ஹீரோயினாகவும் சரி எந்த ரோல் கொடுத்தாலும் அதில் கச்சிதமாக நடித்து ரசிகர்களின் பாராட்டைப் பெற்றவர்.

ஆனால், படங்கள் சொல்லிக்கொள்ளும்படி இல்லாததால், தற்போது குணச்சித்திர வேடங்களில் மட்டும் நடித்து வருகிறார். ஜெயம் ரவியின் ரோமியோ ஜூலியட், சுந்தர் சியின் முத்தின கத்திரிக்கா மற்றும் அரண்மனை 2 ஆகிய படங்கள் இவரை திரும்பி பார்க்க வைத்தது. இப்படங்களில் பூனம் பாஜ்வாவின் கிளாமருக்கு பஞ்சமே இருந்திருக்காது.

தற்போது டான்ஸ் மாஸ்டர் பாபா பாஸ்கர் இயக்கத்தில் குப்பத்து ராஜா படத்தில் நடித்து வருகிறார். இதில் பூனம் பாஜ்வாவிற்கு அழுத்தமான குடும்ப பெண்ணாக நடிக்கிறாராம். இதன் காரணமாக இப்படம் தனக்கு திரும்பு முனையாக இருக்கும் என்று கருதிய பூனம், இனிமேல் கிளாமர் படங்களில் நடிக்கக் கூடாது என்று முடிவெடுத்துள்ளாராம். மேலும், கிளாமருக்காக தன்னை தேடிவந்த படங்களின் வாய்ப்பையும் விரட்டியடித்துள்ளாராம்.