ஒரு மணி நேரத்தில் நடக்கும் கதை படமானது!

சென்னை: ஒரு மணி நேரத்தில் நடந்த சம்பவம்தான் ‘கிரகணம்’ என்ற பெயரில் படமானது.

கே.ஆர்.பிலிம்ஸ் சார்பில் சரவணன், கார்த்தி தயாரிக்கும் படம் ‘கிரகணம்’. கிருஷ்ணா, கயல் சந்திரன், ஆகியோருடன் நந்தினி என்ற புதுமுகம் அறிமுகமாகிறார். இவர்களுடன் கருணாஸ், ஜெயபிரகாஷ், பாண்டி உள்பட பலர் நடிக்கிறார்கள். கே.எஸ்.சுந்தரமூர்த்தி இசை அமைக்கிறார். இது ஒரு மணி நேரத்தில் நடக்கும் கதை என்கிறார் இயக்குனர் இளன். அவர் மேலும் கூறியதாவது:

ஒரு நாளில் நடக்கிற கதை, ஒரு இரவில் நடக்கிற கதை ஏராளமாக வந்துவிட்டது. இது ஒரு மணி நேரத்தில் நடக்கிற கதை. அதையே இரண்டேகால் மணி நேர விறுவிறுப்பான படமாக உருவாக்கி இருக்கிறோம். கதையின் கதாபாத்திரங்களுக்கு பல்வேறு பிரச்சினைகள் காரணமாக அவர்கள் வாழ்க்கையில் இருள் சூழ்கிறது. ஆனால் அவர்களை சூழ்ந்த அந்த இருள் சந்திரகிரகணம் நடக்கும் ஒரு மணிநேரத்தில் தீர்கிறது. அது எப்படி என்பது தான் திரைக்கதை. அவர்கள் பிரச்சினைக்கும், சந்திரகிரகணத்துக்கும் என்ன சம்பந்தம் என்பது கதையின் டுவிட்ஸ்ட் என்கிறார் இயக்குனர் இளன்.

Graghanam Movie story happens with in the one hour.