மெர்சலுடன் போட்டி போட வருகிறார் குலேபகாவலி!

விஜய் நடித்த ‘மெர்சல்’ படத்துடன் பிரபுதேவா நடிப்பில் உருவாகும் ‘குலேபகாவலி’ படம் இந்த வருடம் தீபாவளியன்று மோதவுள்ளன.

அட்லி இயக்கத்தில் விஜய் நடிப்பில் உருவாகி வரும் படம் ‘மெர்சல்’. இந்தப் படத்தின் ரிலீஸ் அன்று, பிரபுதேவா நடிப்பில் உருவாகி வரும் ‘குலேபகாவலி’ படத்தையும் வெளியிட படக்குழு திட்டமிட்டு வருகிறது.

கல்யாண் இயக்கத்தில் பிரபுதேவா நடித்துவரும் படம் ‘குலேபகாவலி’. இந்தப் படத்தில் பிரபுதேவா ஜோடியாக ஹன்சிகா மோத்வானி நடிக்கிறார். 1947ஆம் ஆண்டு தொடங்கி, தற்போதைய காலகட்டம் வரை நடப்பதாக கதை அமைக்கப்பட்டுள்ளது. எனவே, பிரபுதேவா இந்தப் படத்தில் ஏகப்பட்ட தோற்றங்களில் நடித்துள்ளார்.

படத்தின் படப்பிடிப்பு முடிந்து விட்டது. பாடல்கள் மட்டுமே ஷூட் செய்யாமல் பாக்கி உள்ளன. இந்தப் படத்தை, தீபாவளியன்று வெளியிட படக்குழுவினர் திட்டமிட்டுள்ளனர். அதே மாதிரி விஜய் நடித்துள்ள ‘மெர்சல்’ படமும் தீபாவளியன்று வெளியாகும் என அதிகாரப்பூர்வமாக ஏற்கனவே அறிவிக்கப்பட்டுள்ளது.