ஜிவி பிரகாஷ், அம்ரிதா ஐயர் நடிக்கும் படம் நேரடியாக டிவி ரிலீஸ்க்கு தயாராகிறதா?

கொரோனா தொற்று காரணமாக கடந்தாண்டு ஏராளமான படங்கள் நேரடியாக ஓடிடி-யில் வெளியிடப்பட்டன. அந்தவகையில்,ஜோதிக நடித்த பொன்மகள் வந்தாள், கீர்த்தி சுரேஷ் நடித்த பென்குயின், நயன்தாராவின் மூக்குத்தி அம்மன், சூர்யாவின் சூரரைப் போற்று என பல படங்கள் நேரடியாக ஓடிடியில் வெளியானது. அதேபோல் சில படங்கள் நேரடியாக டி.வி.யில் ஒளிபரப்பாகியது.

முன்னதாக கன்னட படமான 'மாயாபஜார் 2016' படம் தமிழில் ‘நாங்க ரொம்ப பிஸி’ என்ற டைட்டிலில் ரீமேக் செய்யப்பட்டிருந்தது. இந்தப் படம் நவம்பர் 14ஆம் தேதி தீபாவளி அன்று காலை 11 மணிக்கு நேரடியாக சன் டிவியில் ஒளிபரப்பானது. பத்ரி இயக்கத்தில் பிரசன்னா, ஷாம், அஸ்வின், யோகி பாபு, ஸ்ருதி மராத்தே உள்ளிட்ட பலர் இந்தப் படத்தில் நடித்திருந்தனர். இதையடுத்து கடந்த பொங்கலுக்கு விக்ரம் பிரபு, லட்சுமி மேனன் நடித்த ‘புலிக்குத்தி பாண்டி’ திரைப்படம் ஓடிடி, தியேட்டர்களுக்கு வராமலேயே நேரடியாக 'சன் டிவி சேனலில்' மாலை 6.30 மணிக்கு ஒளிபரப்பாகி நல்ல வரவேற்பை பெற்றது.

தற்போது ஜிவி பிரகாஷ் கதாநாயகனாக நடிக்கும் புதிய படத்தின் படபிடிப்பு தொடங்கியது. இப்படத்தை ராஜேஷ் இயக்கி வருகிறார். தமிழ் திரையுலகில் முன்னணி இசையமைப்பாளராக வலம் வருபவர் ஜிவி பிரகாஷ், படங்கள் நடிப்பதிலும் கவனம் செலுத்தி வருகிறார். இவர் நடிக்கும் படத்தை இயக்குநர் ராஜேஷ் இயக்குகிறார். ராஜேஷ் 2009ஆம் ஆண்டு வெளியான 'சிவா மனசுல சக்தி' திரைப்படத்தின் மூலம் இயக்குநராக அறிமுகமானார். இப்படத்தில், ஜீவாவும் புதுமுக நடிகை அனுயா மற்றும் சந்தானமும் முக்கியக் கதாபாத்திரங்களில் நடித்திருந்தனர். இப்படம் விமர்சன ரீதியாகப் பாராட்டுகளைப் பெற்றதோடு வசூல் ரீதியாகவும் வெற்றிபெற்றது.

இதையடுத்து இவரின் இரண்டாவது மூன்றாவது படமான, 'பாஸ் என்கிற பாஸ்கரன்' மற்றும் 'ஒரு கல் ஒரு கண்ணாடி' படமும் நகைச்சுவையை மையப்படுத்திய கலகலப்பான திரைப்படங்களாக அமைந்தது. இதன் பிறகு 'ஆல் இன் ஆல் அழகுராஜா', 'வாசுவும் சரவணனும் ஒண்ணா படிச்சவங்க' ஆகிய திரைப்படங்களை இயற்றினார் ராஜேஷ்.

எப்படி இருந்த லோஸ்லியா இப்படி ஆகிட்டாரே: ஷாக் ஆன ரசிகர்கள்

முன்னதாக வெளியான தகவலின் படி இப்படத்தில் ஜிவி பிரகாஷுக்கு ஜோடியாக பிகில் பட நடிகை அம்ரிதா ஐயர் நடிக்க உள்ளார் என்ற அறிவிப்பு வெளியாகி இருந்தது. இந்த படத்தில் ஆனந்த்ராஜ், பிக்பாஸ் பிரபலங்கள் ரேஷ்மா, டேனியல் ஆகியோர் முக்கிய கதாபாத்திரத்தில் நடிக்க உள்ளனர். ஏற்கனவே இயக்குனர் ராஜேஷ் இயக்கத்தில் ஜிவி பிரகாஷ் ‘கடவுள் இருக்கான் குமார்’ படத்தில் நடித்திருந்தார் என்பது குறிப்பிடத்தக்கது.

இந்நிலையில், ஜிவி பிரகாஷ், அம்ரிதா ஐயர் நடித்து வரும் புதிய படம் நேரடியாக டி.வி.யில் வெளியிடுவதற்காக தயாராகி வருகிறது என்ற அறிவிப்பு வெளியாகி உள்ளது. இப்படத்தின் படப்பிடிப்பு அடுத்த மாதத்திற்குள் முடிந்துவிடும் என்று கூறப்படுகிறது. இப்படம் தமிழ் புத்தாண்டு (ஏப்ரல் 14) அல்லது உழைப்பாளர் தினம் (மே 1) அன்று நேரடியாக டி.வி.யில் ஒளிபரப்ப வாய்ப்புள்ளதாக கூறப்படுகிறது.