அஜித்தை அவமதித்த ஜிவி: டுவிட்டரில் தல ரசிகர்கள் காட்டம்

சென்னை: கோலிவுட்டின் பிரபல இசையமைப்பாளரும், நடிகருமான ஜி.வி.பிரகாஷ், அஜித்தை அவமதிக்கும் வகையில் டுவீட் போட்டு சர்ச்சையில் சிக்கியுள்ளார்.

தல அஜித் குறித்து சர்ச்சைக்குரிய டுவீட்டை போட்டதால், அஜித் ரசிகர்கள் ஜி.விபிரகாஷுக்கு எதிராக மீம்ஸ் வெளியிட்டு வருகின்றனர். சமீபத்தில் ஜி.வி.பிரகாஷ் நடிப்பில் 'எனக்கு இன்னொரு பேர் இருக்கு' படம் வெளியானது. இதனையடுத்து, அஜித் ரசிகர் ஒருவர் 'நீங்கள் இளைஞர்களுக்கு தவறான உதாரணம்' என கூறியதில் கோபமடைந்த ஜி.வி.பிரகாஷ் பதில் டுவீட் போட்டு சர்ச்சையில் சிக்கியுள்ளார்.

ஜி.வி.பிரகாஷின் டுவீட்டில்,'முதலில் உங்கள் நடிகரை குடி, போதை இல்லாமல் நடிக்க சொல்லுங்கள், உங்களை போன்ற ரசிகரால் தான் அவருக்கு கெட்டப்பெயர், பலரும் வெறுக்கிறார்கள். இதை அவரே விரும்பமாட்டார்' என கூறியுள்ளார்.

இதனால் கடும் கோபத்தில் உள்ள தல ரசிகர்கள் டுவிட்டரில் ஜி.வி.பிரகாஷை கடுமையாக தாக்கி வருகின்றனர். இந்நிலையில், ஜி.வி.பிரகாஷ் தனது அனைத்து டுவீட்களையும் அழித்துவிட்டார்.

முன்னதாக இளையதளபதி விஜய் பிறந்தநாளுக்கு, சந்தேகமேயில்லை அடுத்த சூப்பர்ஸ்டார் இளையதளபதி தான் என பிறந்தநாள் வாழ்த்து கூறி, ரஜினி ரசிகர்களிடம் சிக்கிக் கொண்ட ஜி.வி.பிரகாஷ் தற்போது தல ரசிகர்களிடம் சிக்கியுள்ளார்.