ஜிப்ஸி படத்தின் வசூல் இவ்வளவு குறைவா? முதல் நாள் பாக்ஸ் ஆபிஸ் முழு விவரம்

பல்வேறு சர்ச்சைகளுக்கு பிறகு தற்போது திரைக்கு வந்திருக்கிறது ஜிப்ஸி படம். குக்கூ, ஜோக்கர் ஆகிய படங்களை இயக்கிய ராஜு முருகன் இயக்கியுள்ள இந்த படம் சென்ற வருடமே ரிலீஸ் ஆகியிருக்க வேண்டியது. ஆனால் சென்சார் பிரச்சனை காரணமாக தற்போது தான் வெளியாகியுள்ளது.

படத்தில் இருந்த 50க்கும் அதிகமான சர்ச்சையான காட்சிகளை நீக்கியது தணிக்கை குழு. அதனால் ஏற்பட்ட சர்ச்சை தான் ஒரு வருட தாமதத்திற்கு காரணம்.

நேற்று வெளியான இந்த படத்தின் பாக்ஸ் ஆபிஸ் விவரங்கள் தற்போது வெளிவந்துள்ளது. சென்னையில் மட்டும் ஜிப்ஸி படம் முதல் நாளில் 19 லட்சம் ருபாய் மட்டுமே வசூலித்துள்ளது.

மேலும் ஒட்டுமொத்த தமிழ்நாடு வசூல் ஒரு கோடிக்கும் குறைவாகத்தான் இருக்கும் என கணக்கிடப்பட்டுள்ளது.

இந்த தொகை மிக குறைவு என்பதால் வரும் நாட்களில் ஜிப்ஸி படம் அதிகம் வசூலித்தால் மட்டுமே தோல்வியில் இருந்து தப்பிக்க முடியும் என பாக்ஸ் ஆபிஸ் வல்லுநர்கள் தெரிவித்துள்ளனர்.