ஆஸ்கார் 2017: ஹாக்சா ரிட்ஜ் படத்துக்கு இரு விருதுகள்

லாஸ் ஏஞ்செல்ஸ்: ஹாக்ஸா ரிட்ஜ் திரைப்படம் இரண்டு ஆஸ்கார் விருதுகளைப் பெற்று அசத்தியுள்ளது.

திரைத்துறையில் மிக உயரிய வருதாகக் கருதப்படும் ஆஸ்கார் விருது வழங்கும் விழா அமெரிக்காவில் லாஸ் ஏஞ்செல்ஸ் நகரில் நடைபெறுகிறது. 89வது ஆஸ்கார் விருது விழாவான இதில் 24 பிரிவுகளில் பல்வேறு விருதுகள் வழங்கப்படுகின்றன.

லா லா லேண்ட் என்ற திரைப்படம் 14 பிரிவுகளிலும் மூன்லைட், அரைவல் ஆகிய திரைப்படங்கள் 8 பிரிவுகளிலும் ஆஸ்கார் விருதுக்கு பரிந்துரைக்கப்பட்டுள்ளன. திரையுலகினருக்கு கௌரவம் சேர்க்கும் அகாடமி விருது எனப்படும் ஆஸ்கார் விருதைப் யாரெல்லாம் தட்டிச்செல்லப்போகிறார்கள் என்ற ஆர்வம் ரசிகர்கள் மத்தியிலும் காணப்படுகிறது.

இந்நிலையில், 'ஹாக்ஸா ரிட்ஜ்' என்ற ஆஸ்திரேலியத் திரைப்படத்திற்கு இரண்டு ஆஸ்கார் விருதுகள் இதுவரை கிடைத்துள்ளன. எடிட்டிங், சவுண்ட் மிக்சிங் ஆகிய பிரிவுகளில் அப்படத்திற்கு விருதுகள் கிடைத்துள்ளன.