Siddharth, Aditi Rao: தீயாய் பரவும் சித்தார்த், அதிதி ராவ்வின் வீடியோ: ஹன்சிகாவின் ரியாக்ஷன்.!

பிரம்மாண்ட இயக்குனர் ஷங்கரின் 'பாய்ஸ்' படம் மூலம் தமிழ் சினிமாவில் சாக்லேட் பாயாக அறிமுகமானவர் சித்தார்த். தற்போது இவர் தமிழ் மட்டுமில்லாமல் தெலுங்கு மற்றும் இந்தி மொழி படங்களிலும் நடித்து வருகிறார். இந்நிலையில் நடிகர் சித்தார்த் மணிரத்னம் பட நடிகையுடன் நடனமாடிய க்யூட் வீடியோ சமூக வலைத்தளங்களில் தீயாக பரவி வருகிறது.

நடிகரான சித்தார்த்த் அவ்வப்போது சமூக பிரச்சனைகள் பற்றியும் பேசுவார். ஆளும் ஒன்றிய அரசுக்கு எதிராக பல துணிச்சலான கருத்துகளை தனது சமூக வலைத்தள பக்கங்களில் பகிர்ந்து வந்தார். ஒருக்கட்டத்தில் பொய் சொன்னால் முதலமைச்சராக இருந்தாலும் கன்னத்தில் அறைவேன் என்று உபியின் முதல்வர் யோகி ஆதித்யனாத்தை குறித்து சித்தார்த் இணையத்தில் பதிவிட்டுருந்த்து பெரும் பரபரப்பை கிளப்பியது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இதனையடுத்து நடிகர் சித்தார்த் ட்விட்டர் தளத்தில் இருந்து விலகியுள்ளார். இந்நிலையில் இவரும் மணிரத்னம் பட நடிகை அதிதிராவும் காதலிப்பதாக கடந்த சில மாதங்களாகவே இணையத்தில் தீயாய் செய்திகள் பரவி வந்தது. இதுக்குறித்து இரண்டு தரப்பினரும் எந்தவித விளக்கமும் அளிக்காமல் இருந்தனர். மேலும் பொது நிகழ்ச்சிகளில் சித்தார்த்த், அதிதி ஜோடியாக கலந்து கொள்ளும் புகைப்படங்கள் சமூக வலைத்தளங்களில் வைரலானது.

மணிரத்னம் இயக்கிய 'காற்று வெளியிடை' படத்தில் கார்த்திக்கு ஜோடியாக நடித்ததன் மூலம் தமிழ் சினிமாவில் நாயகியாக அறிமுகமானவர் அதிதி ராவ் ஹைதரி. அதனை தொடர்ந்து மணிரத்னம் இயக்கிய 'செக்க சிவந்த வானம்' படத்திலும் நடித்தார். இவரும் சித்தார்த்தும் 'மகா சமுத்திரம்' படத்தில் இணைந்து நடித்த போது காதலில் விழுந்ததாக கூறப்படுகிறது.

Pichaikkaran 2: துபாய் பிச்சைக்காரன்: அதிரடியான அறிவிப்பை வெளியிட்ட விஜய் ஆண்டனி.!

இந்நிலையில் சித்தார்த், அதிதி ஜோடி விஷாலின் 'எனிமி' படத்தில் யுவன் ஷங்கர் ராஜா இசையமைத்த 'மால டம் டம்' பாடலுக்கு நடனமாடியுள்ளனர். இவர்களின் இந்த ரீல்ஸ் வீடியோ சமூக வலைத்தளங்களில் வைரலாகி வருகிறது. அவர்களின் இந்த க்யூட் வீடியோவிற்கு லைக்குகள் குவிந்து வரும் நிலையில் திரையுலக பிரபலங்களும் வாழ்த்து மழை பொழிந்து வருகின்றனர்.

Indian 2: ஆண்டவரை மிரட்ட போகும் 7 பேர்: 'இந்தியன் 2' படத்திற்காக ஷங்கர் போடும் பலே திட்டம்.!

நடிகை ஹன்சிகா 'க்யூட்' என கமெண்ட் செய்துள்ள நிலையில் சுஹாசினி மணிரத்னம் உள்ளிட்ட பிரபலங்களும் இவர்களின் நடன வீடியோவிற்கு பாராட்டு தெரிவித்து வருகின்றனர். ஏற்கனவே காதலிப்பதாக கிசுகிசுக்கள் பரவிய நிலையில் இருவரும் இணைந்து நடனமாடி ரீல்ஸ் வெளியிட்டுள்ளது நெட்டிசன்கள் மத்தியில் கவனம் ஈர்த்து வருகிறது.