சிம்பு படத்தில் நடிக்கவில்லை: ஹன்சிகா

நான் சிம்பு படத்தில் நடிக்கவில்லை என்று ஹன்சிகா திட்டவட்டமாக மறுத்துள்ளார்.

டைரக்டர் ஆதிக் ரவிச்சந்திரன் ‘த்ரிஷா இல்லனா நயன்தாரா’ படத்தை அடுத்து இயக்கும் ‘அன்பானவன் அசராதவன் அடங்காதவன்’ படத்தில் தற்போது பிஸியாக நடித்து வருகிறார் சிம்பு. வழக்கத்திற்கு சிம்பு நடிக்கும் இப்படம் மிக வேகமாக வளர்ந்து வருவது குறிப்பிடத்தக்கது.

இப்படத்தின் நாயகிகளில் ஒருவராக நடிக்கும் ஷ்ரியா சரண் சம்பந்தப்பட்ட படத்தின் முதல் ஷெட்யூல் திண்டுக்கல்லில் சமீபத்தில் முடிவடைந்துள்ளது.

இந்நிலையில், இப்படத்தில் சிம்புவுடன் நடிகை ஹன்சிகா மோத்வானியும் நடிக்கிறார் என செய்திகள் இணையதளங்களில் பரவி வந்தன. ஆனால், இதற்கு ஹன்சிகா உடனடியாக மறுப்பு தெரிவித்து, ‘இது வதந்தி... உண்மையில்லை!’ என ட்வீட் செய்துள்ளார்.