டாப் ஸ்டார் பிரசாந்தின் பிறந்தநாள் இன்று: 90களின் முன்னணி ஹீரோ கெரியர் சறுக்கியது எப்படி?

விஜய், அஜித் போன்ற நடிகர்கள் களமிறங்கிய அதே காலகட்டத்தில் தான் சினிமாவில் நுழைந்தவர் நடிகர் பிரசாந்த். டாப் ஸ்டார் என ரசிகர்கள் அழைக்கும் அவருக்கு இன்று 47வது பிறந்தநாள். அவருக்கு பிரபலங்கள் பலரும் வாழ்த்து தெரிவித்து வருகின்றனர்.

நடிகர் தியாகராஜனின் மகன் என்கிற அடையாளத்தோடு சினிமாவுக்கு வந்த அவருக்கு ஆரம்ப காலம் சிறப்பாகவே இருந்தது.

செம்பருத்தி போன்ற படங்கள் பெரிய ஹிட் ஆனது. தமிழ் சினிமாவின் டாப் இயக்குனர்களுடன் பணியாற்றும் வாய்ப்பும் நடிகர் பிரசாந்திற்கு மிக சீக்கிரமே கிடைத்தது. பாலு மகேந்திரா, ஷங்கர், மணிரத்னம் என பல இயக்குனர்கள் நடிப்பில் நடித்துள்ளார் அவர்.

ஷங்கர் இயக்கத்தில் அவர் நடித்த ஜீன்ஸ் படம் மிகப்பெரிய ஹிட் ஆனது. ஐஸ்வர்யா ராய் அவரது ஜோடியாக நடித்திருந்தார். இருவர் படத்திற்கு பிறகு ஒரு ஹிந்தி சினிமாவில் அறிமுகம் ஆகியிருந்த ஐஸ்வர்யா ராய் ஜீன்ஸ் படத்திற்காக மீண்டும் கோலிவுட் திரும்பினார்.

படமும் ரசிகர்கள் மத்தியில் நல்ல வரவேற்பை பெற்றது. படத்தில் வரும் கிராபிக்ஸ் காட்சிகள் அதிகம் பாராட்டப்பட்டது. இரண்டு ரோல்களில் பிரசாந்த் நடித்திருப்பார்.

இந்த படத்திற்கு பிறகு பிரசாந்திற்கு பல வாய்ப்புகள் தேடி வந்தது. ஆனால் அதற்கு பிறகு வந்த படங்கள் பிரசாந்த் கெரியரில் ஜீன்ஸ் அளவுக்கு பெரிய வெற்றியை கொடுக்கவில்லை. தொடர் ப்ளாப்களால் சறுக்கலை சந்தித்தார் பிரசாந்த். அந்த சமயத்தில் தான் விஜய், அஜித் இருவரும் இவரை முந்தி முன்னணிக்கு வந்துவிட்டனர். அவர்களுக்கு ஈடு கொடுக்கும் விதத்தில் பிரஷாந்த் படங்கள் கொடுத்திருந்தால் தற்போது விஜய்-அஜித்துக்கு நிகராக இருந்திருப்பார்.

அடுத்த படம்:

நடிகர் பிரசாந்த் அடுத்து ஒரு பாலிவுட் ரீமேக் படத்தில் நடிக்கவுள்ளார். தேசிய விருது வென்ற ஹிந்தி படமான அந்தாதுன் படத்தின் தமிழ் ரீமேக்கில் தான் அவர் நடிக்கிறார்.

தனி ஒருவன் புகழ் இயக்குனர் மோகன் ராஜா இயக்கவுள்ள அந்த படத்தினை பிரசாந்தின் அப்பா தியாகராஜன் தான் தயாரிக்கவுள்ளார். இந்த படத்திற்காக அவர் 22 கிலோ உடல் எடையை குறைக்கவுள்ளார் என்பது குறிப்பிடத்தக்கது.