விக்ரம் பிறந்தநாள்: யாரும் எதிர்பார்க்காத பரிசு கொடுத்த கோப்ரா இயக்குநர்

இன்று பிறந்தநாள் கொண்டாடும் விக்ரமுக்கு திரையுலக பிரபலங்களும், ரசிகர்களும் சமூக வலைதளங்களில் வாழ்த்து தெரிவித்து வருகிறார்கள். இந்நிலையில் விக்ரம் நடித்து வரும் கோப்ரா படத்தின் இயக்குநர் அஜய் ஞானமுத்து சீயான் பிறந்தநாள் ஸ்பெஷலாக இன்று காலை 8 மணிக்கு வீடியோ ஒன்றை வெளியிடுவதாக ட்வீட் செய்தார்.

இதையடுத்து ரசிகர்கள் காலை 8 மணியில் இருந்து அந்த வீடியோவுக்காக காத்திருந்தார்கள். அறிவித்தபடி 8 மணிக்கு வீடியோ வெளியாகவில்லை என்றாலும் லேட்டாக வந்துள்ள அந்த வீடியோ ரசிகர்களை கவர்ந்துவிட்டது.

அஜய் ஞானமுத்து வெளியிட்டுள்ள அந்த வீடியோவில் திரையுலக பிரபலங்கள் பலர் விக்ரம் பற்றி பேசியுள்ளனர். வீடியோவில் பிரபல இயக்குநர் கே. எஸ். ரவிகுமார் கூறியதாவது,



விக்ரமிடம் எனக்கு மிகவும் பிடித்தது அவருடைய சிரிப்பு. ஷூட்டிங்கிற்கு வந்தவுடன் அந்த சிரிப்புடன் அனைவரையும் பார்த்து விஷ் பண்ணுவார். அந்த சிரிப்பில் ஒரு வசீகரம் இருக்கு. எதிரியாக இருந்தாலும் கூட அந்த சிரிப்பில் மயங்கிவிடுவான் என்றார்.

ஊரடங்கு உத்தரவால் வீட்டில் இருக்கும் பிரபலங்களை விக்ரமை பற்றி பேச வைத்து வீடியோ அனுப்பச் சொல்லி அதை வெளியிட்ட அஜய் ஞானமுத்துவுக்கு ரசிகர்கள் நன்றி தெரிவித்துள்ளனர்.

கோப்ரா பற்றி தான் வீடியோ எதிர்பார்த்தோம், ஆனால் இது அதை விட ஒருபடி மேலே இருக்கு, நன்றி அஜய் ஞானமுத்து சார் என்று விக்ரம் ரசிகர்கள் கூறியுள்ளனர்.

லாக்டவுனால் மகனை பார்க்க முடியலயே: தவியாய் தவிக்கும் விஷ்ணு விஷால்