Mothers day அன்னையர் தின ஸ்பெஷல்: கோலிவுட் கொண்டாடும் சூப்பர் அம்மாக்கள்

உலகம் முழுவதும் இன்று அன்னையர் தினம் கொண்டாடப்படுகிறது. பலரும் தங்கள் அம்மாக்களுக்கு சமூக வலைதளங்களில் வாழ்த்து தெரிவித்து வருகிறார்கள். இதனால் #MothersDay என்கிற ஹேஷ்டேக் ட்விட்டரில் தேசிய அளவில் டிரெண்டாகிக் கொண்டிருக்கிறது.

இந்நிலையில் கோலிவுட்டில் பிரபலமான மற்றும் ரசிகர்கள் விரும்பும் அம்மாக்களை பார்ப்போம். அம்மா என்கிற கதாபாத்திரத்தை சொன்னதும் நம் நினைவுக்கு முதலில் வருபவர் சரண்யா பொன்வண்ணன் தான். தவமாய் தவமிருந்து படத்தில் பாசத்தால் நம்மை கவர்ந்த சரண்யா எம் மகன் படத்தில் தனது காமெடியால் சிரிக்க வைத்தார். கோலமாவு கோகிலா படத்தில் கொலை செய்வதில் கூட காமெடி செய்தார். அம்மா கதாபாத்திரத்திலேயே விதவிதமான நடிப்பை வெளிப்படுத்தி வருகிறார்.
அம்மா ஆனால் அக்கா மாதிரி அம்மா என்கிற இமேஜில் செட்டாகிவிட்டார் நதியா. எம். குமரன் சன் ஆஃப் மகாலட்சுமி படத்தில் ஜெயம் ரவிக்கு கூலான அம்மாவாக நடித்தார் நதியா. திரையில் அவரை பார்த்துவிட்டு நமக்கும் இப்படி ஒரு அம்மா கிடைக்காதா என்று ஏங்கியவர்கள் பலர். என்ன ஹீரோயினுக்கு அம்மாவாக நடிக்கும்போது தான் அவரை பார்த்து பலரும் அக்கா என்று நினைத்துவிடுகிறார்கள். நடிப்பு விஷயத்தில் எல்லாம் நதியாவை குறை சொல்லவே முடியாது.
ராதிகா சரத்குமார் ஒரு அழகான, வித்தியாசமான அம்மா எனலாம். ரொம்ப கூல், அப்பாவி என்று எந்த வகையான அம்மாவாக நடிக்கச் சொன்னாலும் அசால்டா நடித்துவிடுவார் ராதிகா. தெறி படத்தில் விஜய்க்கு நல்ல அம்மாவாக, சமந்தாவுக்கு பாசமான மாமியாராக நடித்து அசத்தினார். அம்மா கதாபாத்திரம் என்றால் கண்ணை மூடிக் கொண்டு அதில் ராதிகாவை நடிக்க வைக்கலாம். நிச்சயம் ரசிகர்களை கவர்ந்துவிடுவார்.
இவர்களுக்கு முன்பு மனோரமா, கே. ஆர். விஜயா, ஸ்ரீவித்யா ஆகியோர் அம்மா கதாபாத்திரங்களில் அம்சமாக நடித்தவர்கள். கே. ஆர். விஜயா ஒரு அன்பான அம்மா என்றால், மனோரமா ஒரு ஜாலியான, பாசமான அம்மா. மனோரமா அம்மா கதாபாத்திரங்களிலும் காமெடி செய்து நம்மை எல்லாம் சிரிக்க வைத்தவர் என்பதை மறந்துவிட முடியாது.

கொரானா நிதிக்காக அஞ்சு பைசா கழட்டாத குருமூர்த்தி விஜய்யை நக்கலடிப்பதா?: சுரேஷ் காமாட்சி