ஹரிஷ் கல்யாண் - ப்ரியா பவானிஷங்கர் படத்தோட டைட்டில் இதுதானா?

ப்ரியா பவானிஷங்கரும், ஹரிஷ் கல்யாணும் ஜோடியாக நடித்து முடித்திருக்கும் தெலுங்கு படத்தின் ரீமேக்கை கார்த்திக் சுந்தர் இயக்கியுள்ளார். இவர் இயக்குநர் ஏ எல் விஜய்யின் அஸோசியேட். தெலுங்கில் பெரிய அளவில் பேசப்பட்ட பெல்லி சூப்புலு படத்தின் தமிழ் ரீமேக்கான இந்த படத்துக்கு ஓ மணப்பெண்ணே என்று பெயர் வைத்துள்ளதாக தகவல் வெளியாகியுள்ளது.

விஜய் தேவரகொண்டா நடித்திருந்த பெல்லி சூப்புலு படத்தின் தமிழ் ரீமேக்கில் அவரது கதாபாத்திரத்தில் ஹரிஷ்கல்யாணும், அவருக்கு ஜோடியாக ப்ரியாவும் சிறப்பாக நடித்து முடித்துள்ளனராம். படம் எதிர்பார்த்ததை விட மிகவும் சிறப்பாக வந்திருப்பதாகவும் தெரிகிறது. இந்த படத்துக்கு கச்சிதமான தலைப்பு ஒன்றை படக்குழு தேடி வந்ததாகவும், இந்நிலையில் இந்த தலைப்பை பதிவு செய்துவிட்டதாகவும் அந்த செய்தி கூறுகிறது.

ஓமணப் பெண்ணே எனும் பாடல் சிம்புவின் விண்ணைத் தாண்டி வருவாயா படத்தில் இடம்பெற்றுள்ள ஒரு பாடலின் முதல் வார்த்தை. சிம்புவும், ஹரிஷ் கல்யாணும் நண்பர்கள். மேலும் இதுவும் ஒரு காதல் படம். படம் முக்கியமாக திருமணத்தைப் பற்றி பேசுகிறது. எல்லாத்தையும் பார்க்கும்போது டைட்டில் கச்சிதமாக பொருந்துகிறதுதானே.. விரைவில் அதிகாரப்பூர்வ அறிவிப்பு வெளிவரும் என தெரிகிறது.

ஹரிஷ் கல்யாண் நடிப்பில் வெளியாகி தாராளபிரபு படம் ஓரளவு வரவேற்பை பெற்று வந்த நிலையில், கொரோனாவால் திரையரங்குகள் மூடப்பட்டதை தெரிந்து அவர் அப்செட்டாக உள்ளாராம். இதனால் கசடதபற மற்றும் ஓ மணப்பெண்ணே படங்களுக்காக காத்திருக்கிறார். கொரோனா பாதிப்பு முடியும் வரை தமிழ் பட ஷூட்டிங்கும் , பட ரிலீசும் இருக்காது எனத் தெரிகிறது.