அடடே... திருமணத்திற்கு தயாரான 'தாராள பிரபு'... விரைவில் டும்டும்டும்!

பிரபல திரைப்பட விநியோகஸ்தரான கல்யாணின் மகன் ஹரீஷ் கல்யாண். சிந்து சமவெளி படத்தின் மூலம் தமிழ் சினிமாவுக்கு அறிமுகமானார். தொடர்ந்து பல படங்களில் நடித்துள்ளார் ஹரீஷ் கல்யாண்.

ஆனால் விஜய் டிவியில் ஒளிபரப்பான பிக்பாஸ் நிகழ்ச்சிக்கு பிறகுதான் பெரும் பிரபலமானார். ஹரீஷ் கல்யாண் நடிப்பில் வெளியான தாராள பிரபு படம் ரசிகர்கள் மத்தியில் நல்ல வரவேற்பை பெற்றது. தமிழ் மற்றும் தெலுங்கு மொழி படங்களில் நடித்து வருகிறார் ஹரீஷ் கல்யாண்.

கடைசியாக அவரது நடிப்பில் தமிழில் ஓ மணப்பெண்ணே படம் வெளியானது. இந்நிலையில் ஹரீஷ் கல்யாணுக்கு விரைவில் திருமணம் நடைபெறவுள்ளதாக தகவல் வெளியாகியுள்ளது. 31 வயதான ஹரீஷ் கல்யாணுக்கு திருமணம் செய்து வைக்க அவரது பெற்றோர் முடிவு செய்துள்ளனர்.

ஹரீஷ் கல்யாண் திருமணம் செய்து கொள்ளும் பெண்ணை முடிவு செய்து விட்டதாகவும் அவரது திருமணம் குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது. அதோடு ஹரீஷ் கல்யாணின் திருமணம் ஆகஸ்ட் கடைசி வாரம் அல்லது செப்டம்பர் முதல் வாரத்தில் இருக்கும் என்றும் தகவல் வெளியாகியுள்ளது.

ஹரீஷ் கல்யாணின் தந்தை திரைப்பட விநியோகஸ்தர் என்பதால் திருமணத்தில் தமிழ் சினிமாவின் முக்கிய பிரபலங்கள் பலரும் பங்கேற்பார்கள் என்றும் கூறப்படுகிறது. இதனிடையே ஹரீஷ் கல்யாணின் திருமணம் செய்து கொள்ள போகும் பெண் யார் என்பதை அறிய ரசிகர்கள் ஆர்வமாக இருப்பதாகவும் தகவல் வெளியாகியுள்ளது.