சிம்பு இசையில் பாடும் பிக்பாஸ் ஹரிஷ் கல்யாண்!

பிக்பாஸ் நிகழ்ச்சியில் பங்கேற்ற நடிகர் ஹரிஷ் கல்யாணுக்கு சிம்பு இசையில் பாடுவதற்கான வாய்ப்பு வந்துள்ளது.

பிக்பாஸ் நிகழ்ச்சியில் கலந்துக்கொண்டவர்களில் நடிகர் ஹரிஷ் கல்யாணும் ஒருவர். இவர் பிக்பாஸ் வீட்டில் நடிகர் சிம்பு போன்று நடித்து அசத்தினார். பின்னர் நிகழ்ச்சியில் இருந்து வெளியேறிபோது சிம்புவிடம் இருந்து புத்தகம் ஒன்ரை பரிசாக பெற்றார்.

பிக்பாஸ் நிகழ்ச்சியில் கலந்துக்கொண்டு வெளியேறிய ஆரவ், ரைசா, ஒவியா, ஹரிஷ் கல்யாண் ஆகியோருக்கு படங்களில் வாய்ப்பு வந்த வண்ணம் உள்ளது. ஹரிஷ் கல்யாண் வெளியே நிகழ்ச்சிகளில் கலந்துக்கொள்ளும் இடங்களில் எல்லாம் தற்போது பாட்டு பாடி வருகிறார்.

இந்நிலையில் அவருக்கு சிம்பு இசையமைக்கும் படத்தில் பாடுவதற்கான வாய்ப்பு கிடைத்துள்ளது. நடிகர் சந்தானம் நடித்து வரும் ‘சக்க போடு போடு ராஜா’ படத்திற்கு சிம்பு இசையமைத்து வருகிறார். அதில் இடம்பெறும் ஒருபாடலை ஹரிஷ் கல்யாண் பாடவுள்ளார்.