Rajinikanth: என்னாது, மூத்த மகளுக்காக முஸ்லீமா மாறிட்டாரா ரஜினி?: பரபரக்கும் கோலிவுட்

Aishwarya Rajinikanth:மூத்த மகள் ஐஸ்வர்யாவுக்காக சூப்பர் ஸ்டார் ரஜினிகாந்த் இஸ்லாமியராக மாறிவிட்டதாக தகவல் வெளியாகியுள்ளது.

சூப்பர் ஸ்டார் ரஜினிகாந்த் முஸ்லீமாக மாறிவிட்டார் என்கிற தகவல் கசிந்து ரசிகர்களின் கவனத்தை ஈர்த்துள்ளது.

Samayam Tamil

ரஜினி

கடவுள் நம்பிக்கை அதிகம் இருப்பவர் சூப்பர் ஸ்டார் ரஜினிகாந்த். செட்டில் கூட கடவுள், யோகா பற்றி தான் அதிகம் பேசுவார் என அவருடன் சேர்ந்து வேலை செய்தவர்கள் தெரிவித்துள்ளனர். இந்நிலையில் ரஜினிகாந்த் மதம் மாறிவிட்டார் என தகவல் வெளியானது. நம்ம தலைவர் இஸ்லாமியராகிவிட்டாராமே என ரசிகர்கள் பேசத் துவங்கினார்கள்.

இல்லை

இசைப்புயல் ஏ.ஆர். ரஹ்மானுடன் சேர்ந்து அண்மையில் தர்காவுக்கு சென்று வந்தார் ரஜினி. ஓஹோ, மதம் மாறியதால் தான் தர்காவுக்கு எல்லாம் போனாரா என ஆளாளுக்கு பேச ஆரம்பித்துவிட்டனர். சூப்பர் ஸ்டார் மதம் மாறவில்லை. அவர் தர்காவுக்கு சென்றது மதம் மாறியதால் இல்லை. படத்தில் தான் இஸ்லாமியராக நடிக்கிறார் என்பது விசாரித்துப் பார்த்ததில் தெரிய வந்துள்ளது.

லால் சலாம்

காதல் கணவரான தனுஷை பிரிந்து வாழும் ஐஸ்வர்யா ரஜினிகாந்த் மீண்டும் கெரியரில் கவனம் செலுத்தத் துவங்கிவிட்டார். விஷ்ணு விஷால், விக்ராந்த் உள்ளிட்டோரை வைத்து லால் சலாம் என்கிற படத்தை இயக்கி வருகிறார். லைகா நிறுவனம் தயாரிக்கும் அந்த படத்தில் தான் இஸ்லாமியராக நடிக்கிறாராம் ரஜினிகாந்த். அவரின் கதாபாத்திரம் கவுரத் தோற்றம் என்பது குறிப்பிடத்தக்கது.

ஐஸ்வர்யா

தன் தந்தையை வைத்து படம் இயக்கும் வாய்ப்பு கிடைத்தால் நிச்சயம் சந்தோஷப்படுவேன் என்று ஐஸ்வர்யா ரஜினிகாந்த் அண்மையில் தெரிவித்தார். அவரின் ஆசை இவ்வளவு சீக்கிரம் நிறைவேறிவிட்டது. ரஜினியை வைத்து படம் இயக்க எத்தனையோ பேர் ஆசையுடன் காத்திருக்கிறார்கள். அப்படி காத்திருப்பவர்களில் ரஜினியின் மூத்த மருமகன் தனுஷும் அடக்கம்.

ரசிகர்கள்

லால் சலாம் படத்தில் ரஜினி வெறும் கவுரத் தோற்றத்தில் வருவது தலைவர் ரசிகர்களை கவலை அடைய செய்துள்ளது. அதே சமயம் தன் செல்ல மகள் கேட்கும்போது முடியாது என்று எப்படி சொல்ல முடியும் என தலைவர் ஓகே சொல்லியிருப்பார். அவர் நிலைமையில் இருந்து பார்த்தால் சரி தான். பரவாயில்லை, லால் சலாமில் தலைவரை கவுரவத் தோற்றத்தில் பார்த்தே சந்தோஷப்படுவோம் என்கிறார்கள் ரசிகர்கள்.

ஜெயிலர்

ரஜினி தற்போது நெல்சன் திலீப்குமார் இயக்கத்தில் ஜெயிலர் படத்தில் நடித்து வருகிறார். அந்த படத்தில் கன்னட சூப்பர் ஸ்டாரான சிவராஜ்குமார் நடிக்கிறார். சன் பிக்சர்ஸ் நிறுவனம் தயாரிக்கும் ஜெயிலர் படத்திற்கு நெல்சனுக்கு மிகவும் பிடித்த அனிருத் இசையமைக்கிறார். ஜெயிலர் படத்தை அனைத்து தரப்பு ரசிகர்களும் எதிர்பார்த்து காத்திருக்கிறார்கள். விஜய்யை வைத்து பீஸ்ட் படத்தை எடுத்து ரிலீஸ் செய்த கையோடு சூப்பர் ஸ்டாரை இயக்கும் வாய்ப்பு நெல்சனுக்கு கிடைத்துவிட்டது. அவர் ரஜினியை வைத்து எப்படி படம் எடுத்திருக்கிறார் என்பதை பார்க்கவே பலரும் ஆவலாக இருக்கிறார்கள்.