மாஸ்டர்
லோகேஷ் கனகராஜ் இயக்கத்தில் விஜய் மாஸ்டர் படத்தில் நடித்து வருவது அனைவருக்கும் தெரியும். விஜய்க்கு கெத்து வில்லனாக விஜய் சேதுபதி நடித்துக் கொண்டிருக்கிறார். இந்த கூட்டணிக்காவே படம் மீது அதிக எதிர்பார்ப்பு உள்ளது. படத்தை வரும் ஏப்ரல் மாதம் 9ம் தேதி ரிலீஸ் செய்ய திட்டமிட்டுள்ளனர். மாஸ்டர் பட வேலைகள் முடிவதற்குள் அடுத்ததாக விஜய்யை யார் இயக்கப் போகிறார் என்கிற பேச்சு கிளம்பியுள்ளது.
சுதா கொங்கரா
பாண்டிராஜ், மகிழ் திருமேனி, அட்லி, வெற்றிமாறன், அருண்ராஜா காமராஜ் உள்ளிட்டோரின் பெயர்கள் அடிபட்ட நிலையில் விஜய் சுதா கொங்கரா இயக்கத்தில் நடிக்கப் போவதாக கூறப்பட்டது. சூர்யா நடித்துள்ள சூரரைப் போற்று படத்தை போட்டுக் காட்டச் சொல்லி பார்த்த விஜய்க்கு சுதாவின் ஒர்க்கிங் ஸ்டைல் பிடித்துவிட்டது என்று தகவல் வெளியானது.
லோகேஷ் கனகராஜ்
விஜய் சுதா இயக்கத்தில் அல்ல மாறாக லோகேஷ் கனகராஜ் இயக்கத்தில் தான் மீண்டும் நடிக்கப் போகிறாராம். மாஸ்டர் செட்டில் லோகேஷ் சொன்ன கதை விஜய்க்கு மிகவும் பிடித்துவிட்டதாம். அதனால் மாஸ்டரை அடுத்தும் லோகேஷ் இயக்கத்தில் நடிப்பது என்று விஜய் முடிவு செய்துள்ளாராம். லோகேஷின் கதை மட்டும் அல்ல அவர் நடந்து கொள்ளும் விதமும் விஜய்க்கு பிடித்துள்ளதாம்.
சன் பிக்சர்ஸ்
சன் பிக்சர்ஸ் தயாரிக்கும் தளபதி 65 படத்தை மெகா பட்ஜெட்டில் எடுக்கப் போகிறார்களாம். பட்ஜெட் மட்டும் அல்ல விஜய்யின் சம்பளமும் பெத்த சம்பளமாம். தளபதி 65 படம் குறித்து சன் பிக்சர்ஸ் அதிகாரப்பூர்வ அறிவிப்பு வெளியிடும் வரை பொறுமையாக வேண்டியது தான்.