Dhanush: அசுரன் 2ஆவது லுக் போஸ்டர்: அதிர வைக்கும் வெற்றி மாறன் – தனுஷ் கூட்டணி!

பொல்லாதவன், ஆடுகளம், வட சென்னை ஆகிய படங்களைத் தொடர்ந்து இயக்குநர் வெற்றி மாறன் இயக்கத்தில் தனுஷ் நடிப்பில் உருவாகி வரும் ஆக்‌ஷன் படம் அசுரன். விவசாயத்தை மையப்படுத்திய இப்படத்தில் சாமானியனின் அரசியலை பதிவு செய்யும் படமாக அசுரன் உருவாகி வருகிறது.

தனுஷ் இப்படத்தில் குந்தலகேசி, கக்கன் மற்றும் பூச்சி என்ற மூன்று வேடங்களில் நடிக்கிறார். முதல் முறையாக தனுஷ் 3 வேடங்களில் நடிக்கும் இப்படத்திற்கு ரசிகர்களிடையே எதிர்பார்ப்பு அதிகரித்துள்ளது. இப்படத்தில் தனுஷிற்கு ஜோடியாக மஞ்சு வாரியர் நடிக்கிறார்.

Also Read This: Vikram: மருமகனை ஹீரோவாக்கிய சியான் விக்ரம்: ஜோடி யார் தெரியுமா?

மேலும், ஷகீலா, பசுபதி, ’ஆடுகளம் நரேன், பவன், யோகி பாபு, தலைவாசல் விஜய், குரு சோமசுந்தரம் ஆகியோர் நடிக்கின்றனர். மேலும் இந்த படத்தில், ’காதல்’ ‘கல்லூரி போன்ற படங்களை இயக்கிய பாலாஜி சக்திவேல் காளையன் என்ற கதாபாத்திரத்தின் மூலம் நடிகராக அறிமுகமாகிறார். இதனால் தமிழ் ரசிகர்கள் எதிர்நோக்கும் படங்களில் ஒன்றாக அசுரன் உள்ளது.

இதையும் படிங்க: 25 சதவீத கல்லீரலுடன் தான் உயிர் வாழ்ந்து வருகிறேன்: அமிதாப் பச்சன்!


மகனின் சாவுக்கு தந்தை குந்தலகேசி பழிவாங்குவது தான் படத்தின் கதை என்பது பலரது யூகமாக இருக்கிறது. வரும் அக்டோபர் 4ம் தேதி வெளியாகவுள்ள இப்படத்தின் 2ம் லுக் போஸ்டர் வெளியாகி சமூக வலைதளங்களில் வைரலாகி வருகிறது.

மேலும் படிக்க: ஆண்களுக்கு வெண்ணிலா கபடிகுழு என்றால், பெண்களுக்கு கென்னடி கிளப்: ரசிகர்கள் கருத்து!

இந்த போஸ்டரில், தனுஷ் நடிகர் ஜெமினி கணேசனைப் போன்று மீசை வைத்திருப்பது போன்றும், மற்றொன்றில் கையில் ஆயுதத்துடன் இருப்பது போன்ற புகைப்படமும் இடம் பெற்றுள்ளது. இதனை வைத்து பார்க்கும் போது கண்டிப்பாக படம் பழங்கால கதையை நினைவிற்கு கொண்டு வரும் என்று எதிர்பார்க்கப்படுகிறது.