டெக்னாலஜியில் மிரட்டும் இரும்புத்திரை ஃபர்ஸ்ட் லுக்; விஸ்வரூபம் எடுக்கும் விஷால்!

சென்னை: விஷால், அர்ஜூன், சமந்தா நடிப்பில் உருவாகி வரும் இரும்புத்திரை படத்தின் ஃபர்ஸ்ட் லுக் வெளியாகியுள்ளது.

மித்ரன் இயக்கத்தில் விஷால் நடிப்பில் உருவாகி வரும் திரைப்படம் இரும்புத்திரை. விஷாலுக்கு ஜோடியாக சமந்தா நடிக்கிறார்.

முக்கிய வேடத்தில் அர்ஜூன் நடித்து வருகிறார். சமீபத்தில் கட்டுக்கட்டான பணத்துடன் வருமான வரித்துறை அதிகாரிகளிடம் விஷால் சிக்கியது போன்ற வீடியோ இணையத்தில் வைரலானது.

பின்னர் அவரை அர்ஜூன் காப்பாற்றுவது போன்றும் வீடியோ வெளியானது. மிகவும் பரபரப்பாக பேசப்பட்ட இந்த வீடியோ, இரும்புத்திரை படத்தின் காட்சிகள் என்று தெரிவிக்கப்பட்டது.

இதனால் ரசிகர்கள் மத்தியில் மிகவும் எதிர்பார்ப்பு கிளம்பியது. இந்நிலையில் இப்படத்தின் ஃபர்ஸ்ட் லுக் இன்று வெளியாகியுள்ளது.

Here is the official 1stLook of Irumbuthirai.