தரணி ஆள வா தளபதி: ஏ.ஆர்.முருகதாஸ் டுவிட்டர் பக்கத்தில் விஜய்யின் புதிய போஸ்டர்!

தெறி, மெர்சல் ஆகிய படங்களின் வரிசையில் அட்லி – விஜய் கூட்டணியில் உருவாகும் புதிய படம் தளபதி63. இன்னும் டைட்டில் வைக்கப்படாத இப்படத்தின் டைட்டில் லுக் போஸ்டர் வரும் 21ம் தேதி மாலை 6 மணிக்கும் மற்றும் 22ம் தேதி நள்ளிரவு 2ஆவது லுக் போஸ்டர் வெளியாகயிருப்பதாக அதிரடியாக அறிவிக்கப்பட்டுள்ளது. தளபதி விஜய்யின் பிறந்தநாளை முன்னிட்டு தளபதி63 படத்தின் டைட்டில் வெளியாவது விஜய் ரசிகர்களுக்கு மிகுந்த உற்சாகத்தை அளித்துள்ளது.

கில்லி மற்றும் அழகிய தமிழ் மகன் படத்தைப் போன்று விஜய் இப்படத்தில் விளையாட்டு கதையில் நடித்துள்ளார். அதுவும், கால்பந்து பயிற்சியாளராக நடித்துள்ளார். மேலும், இப்படத்தில் விஜய் தந்தை – மகன் என்று இரு வேடங்களில் நடித்து வருகிறார் என்று கூறப்படுகிறது. இதில் மகன் விஜய்யின் பெயர் பிகில் என்று ஏற்கனவே தகவல் வெளியானது. இதைத் தொடர்ந்து இப்படத்தின் ஒரு காட்சியில் அப்பாவும் மகனும் ஒரே காட்சியில் இணைந்து நடிக்க இருக்கின்றனராம்.

இப்போதே விஜய் பிறந்தநாளை கொண்டாட ஆரம்பித்த ரசிகர்கள்: தளபதி63 அதிரடி அப்டேட்!


இதற்கிடையில், வில்லு படத்தைத் தொடர்ந்து இப்படத்தில் விஜய்க்கு ஜோடியாக நயன்தாரா நடித்துள்ளார். விஜய்யின் கதாபாத்திரத்தைத் தொடர்ந்து நயன்தாராவின் கதாபாத்திரத்தின் பெயர் ஏஞ்சல் என்று கூறப்படுகிறது. ஏஆர் ரஹ்மான் இப்படத்திற்கு இசையமைத்துள்ளார்.

விஜய் மற்றும் நயன்தாரா உடன் இணைந்து ஜாக்கி ஷ்ரூப், கதிர், விவேக், டேனியல் பாலாஜி, இந்துஜா ரவிச்சந்திரன், ரெபா மோனிகா ஜான், வர்ஷா போலம்மா, யோகி பாபு, சௌந்தரராஜன், பாடகர் பூவையார் ஆகியோர் பலர் நடித்துள்ளனர். வரும் தீபாவளி பண்டிகையை முன்னிட்டு இப்படம் வெளியாக உள்ளது என்பது குறிப்பிடத்தக்கது.

என்னா ஸ்பீடு: ஒரு நிமிடத்தில் 10 ஆயிரம் ரீடுவீட்: மாஸ் காட்டிய தளபதி63 அப்டேட்!

இந்த நிலையில், தளபதி63 படத்தின் புதிய அப்டேட் இன்று வெளியானதைத் தொடர்ந்து, டைட்டில் மீது அதிக எதிர்பார்ப்பு எகிறியுள்ளது. மேலும், ஃபர்ஸ்ட் லுக் எப்படியிருக்கும் என்று இப்போதே அது தொடர்பாக கற்பனைக்கு தயாராகிவிட்டனர். இதற்கிடையில், இயக்குனர் ஏ.ஆர்.முருகதாஸ் தனது டுவிட்டர் பக்கத்தில் விஜய்க்கு என்று வடிவமைக்கப்பட்ட காமன்டிபி (VijayCommonDP) போஸ்டரை வெளியிடுவது மகிழ்ச்சி என்று குறிப்பிட்டுள்ளார். இந்த போஸ்டரில், தரணி ஆள தளபதி என்று குறிப்பிடப்பட்டுள்ளது. தரணி என்பது உலகத்தை குறிக்கிறது. அப்படியிருக்கும் போது விஜய்யை உலகத்தை ஆள அழைக்கிறார்கள் என்று பலரும் குறிப்பிட்டு வருகின்றனர்.

அதோடு, விஜய் தனது வலது கையை உயர்த்தியதோடு நிற்கும் போஸ்டரில், ஏராளமான விளையாட்டு வீரர்கள் அவரை சூழ்ந்து இருப்பது போன்றும் அந்த காமன்டிபி போஸ்டர் வடிவமைக்கப்பட்டுள்ளது. அந்தப் போஸ்டரை கிளிண்டன் ரோச் என்பவர் வடிவமைத்துள்ளார் . ஒட்டு மொத்த தமிழகத்தையும் உள்ளடக்கியுள்ளதாக விஜய்யின் இந்த போஸ்டர் வடிவமைக்கப்பட்டுள்ளது என்பது குறிப்பிடத்தக்கது. அவருக்கு ஒரு சலியூட் அடிக்கலாம் பாஸ்…இப்போது இருக்கிற இந்த அரசியல் சூழலில் இது போன்ற ஒரு போஸ்டர் தேவையா? என்று ஒரு சிலர் விமர்சனம் செய்வதாகவும் கூறப்படுகிறது.