சாயிஷாவுக்காக போட்டிபோடும் முன்னணி ஹீரோக்கள் மற்றும் தயாரிப்பாளர்கள்!

நடிகை சாயிஷா சைகலுக்காக முன்னணி ஹீரோக்களும், படத்தின் தயாரிப்பாளர்களும் போட்டி போட்டு வருகின்றனர்.

நடிகை சாயிஷா சைகல் ‘வனமகன்’ படம் மூலம் தமிழில் அறிமுகமாகியுள்ளார். அவருக்கு முதல் படத்திலேயே முன்னணி நடிகரின் படத்தில் நடிக்க வாய்ப்பு வந்துள்ளது.

பொதுவாக புதுமுக நடிகை நடித்த முதல் படம் வெளியான பின்புதான் அடுத்தடுத்த பட வாய்ப்புகள் வெளிவரும். ஆனால் நடிகை சாயிஷா சைகல் ‘வனமகன்’ படம் நடித்துக் கொண்டிருக்கும்போதே பல முன்னணி நடிகர்களின் படங்களில் நடிக்கும் வாய்ப்பு தேடி வருகிறதாம்.

நடிகை சாயிஷா சைகல் ‘வனமகன்’ படத்தை அடுத்து பிரபுதேவா இயக்கத்தில் விஷால், கார்த்திக் நடிக்கும் கருப்பு ராஜா வெள்ளை ராஜா படத்தில் நடிக்கவுள்ளார். ‘வனமகன்’ படத்தின் நாயகன் ரவி அவரது நட்பு வட்டாரங்களில் சாயிஷாவுக்கு சிபாரிசு செய்து வருகிறாராம். இதையடுத்து அனைத்து இளம் முன்னணி ஹீரோக்கள், மற்றும் தயாரிப்பாளர்கள் பலர் சாயிஷாவை தங்கள் படத்தில் நடிக்க வைக்க போட்டி போட்டு வருகிறார்களாம்.

heroes and producer demand for saayisha