ஐஸ்வர்யாவை பிரிந்த தனுஷுக்கு புதிய தலைவலி: அதிர்ச்சியில் ரசிகர்கள்.!

உயர்நீதிமன்றத்தில் போலி ஆவணங்கள் தாக்கல் செய்த நடிகர் தனுஷ் மீது, நடவடிக்கை எடுக்க கோரி புதூர் காவல் நிலையத்தில் கொடுத்த புகாரை மீண்டும் விசாரிக்க உத்தரவிட கோரி, சீராய்வு மனு மீதான விசாரணையில் தனுசுக்கு நோட்டீஸ் அனுப்பி, உயர்நீதிமன்ற மதுரை கிளை உத்தரவிட்டதோடு, வழக்கு விசாரணையை ஒத்தி வைத்துள்ளது.

மதுரை மாவட்டம் மேலூர் பகுதியை சேர்ந்தவர் கதிரேசன். இவர், நடிகர் தனுஷ் தனது மகன் தான் என்றும், வயது முதிர்வின் காரணமாக தனக்கும், தன்னுடைய மனைவி மீனாட்சிக்கும் மாதந்தோறும் ஜீவனாம்சத்தை நடிகர் தனுஷ் வழங்க உத்தரவிட வேண்டும் என்றும், மேலூர் நீதிமன்றத்தில் வழக்கு தொடர்ந்தார். இதை எதிர்த்து நடிகர் தனுஷ் தரப்பில் உயர் நீதிமன்ற மதுரை கிளையில் வழக்கு தாக்கல் செய்யப்பட்டது.

ஆனால், அவர்கள் கூறும் தகவல் உண்மையானது இல்லை, எனவே இந்த வழக்கை ரத்து செய்ய வேண்டும் என தனுஷ் மதுரை உயர்நீதிமன்றக் கிளையில் மனுதாக்கல் செய்தார்.இந்த வழக்கு விசாரணையின் போது, இரு தரப்பினரும் தனுஷின் பிறப்பு சான்றிதழ், பள்ளி மாற்றுச்சான்றிதழ்களை தாக்கல் செய்தனர். விசாரணை முடிவில், கதிரேசன் - மீனாட்சி தம்பதியர் நீதிமன்றத்தில் தாக்கல் செய்த வழக்கை ரத்து செய்து, மதுரை உயர்நீதிமன்றம் உத்தரவிட்டது.

ஏய் வாய மூடு.. கங்கை அமரனின் கீழ்த்தரமான பேச்சு: திட்டித் தீர்க்கும் நெட்டிசன்கள்.!
இந்நிலையில் கதிரேசன் தாக்கல் செய்த மனுவை மதுரை உயர்நீதிமன்ற அமர்வு நிராகரித்ததையடுத்து, நடிகர் தனுஷுக்கு எதிராக மேல்முறையீடு வழக்கு தொடர்ந்தனர். நடிகர் தனுஷ் தரப்பில் தாக்கல் செய்யப்பட்ட போலி ஆவணங்கள் குறித்து விசாரிக்கக் கோரிய வழக்கை தள்ளுபடி செய்த மதுரை மாவட்ட நீதித்துறை நடுவர் நீதிமன்றத்தின் உத்தரவை ரத்து செய்யக்கோரி மேலூர் கதிரேசன் தரப்பில், உயர்நீதிமன்ற மதுரை கிளையில் சீராய்வு மனு தாக்கல் செய்தார்.

இந்த மனு தொட்ரபாக பதிலளிக்க நடிகர் தனுஷ்க்கு தற்போது சம்மன் அனுப்பப்பட்டுள்ளது. வயதாகிவிட்டதால் தங்களுக்கு பராமரிப்பு தொகை வழங்க உத்தரவிட வேண்டும் என்றும் மாதந்தோறும் ரூ.68000 இழப்பீடு வழங்க வேண்டும் என்றும் கோரியிருந்தனர். இந்த வழக்கு பல ஆண்டுகளாக நீதிமன்றத்தில் நிலுவையில் உள்ளது. ஆனால், தன் மீதான குற்றச்சாட்டுகள் அனைத்தையும் நடிகர் தனுஷ் தொடர்ந்து மறுத்து வருவது குறிப்பிடத்தக்கது.