தசாவதாரம் பட இசையமைப்பாளருக்கு திடீர் திருமணம்!

கமல் நடித்த தசாவதாரம் திரைப்படத்தின் இசையமைப்பாளர் இரண்டாவது முறையாக நேற்று இரவு திடீர் திருமணம் செய்து கொண்டார்.

பாலிவுட்டில் பிரபல இசையமைப்பாளராக வலம் வந்து கொண்டிருப்பவர் ஹிமேஷ் ரேஷ்மியா. இவர் இசையமைப்பாளர் மட்டுமில்லாமல் நடிகர், பாடகர், கதையாசிரியர், தயாரிப்பாளர், பாடலாசிரியர் என பன்முகங்களை கொண்டுள்ளார். குறிப்பாக ஆப் கா சுரூர் என்ற படத்தின் மூலம் இவர் பிரபலமானார். ஆசிக் பானாயா என்ற மெகா ஹிட் படத்துக்கும் இவர் தான் இசையமைத்துள்ளார்.

மேலும், இயக்குனர் கே.எஸ்.ரவிக்குமார் இயக்கத்தில் நடிகர் கமல்ஹாசன் நடித்து வெளியான தசாவதாரம் திரைப்படத்தில் இவர் இசையமைத்துள்ளார். அதில் வரும், ‘பாட்டு உன் காதிலே’ என்ற ரிமீக்ஸ் பாடலையும் பாடியுள்ளார். ஆனால், இந்த பாடல் திரைப்படத்தில் இடம் பெறவில்லை.

கடந்த 1994ம் ஆண்டு ஹிமேஷ் ரேஷ்மியாவுக்கு கோமல் என்பவரை திருமணம் செய்தார். இவர்களுக்கு சுவயம் எனற மகனும் உள்ளார். ஆனால், கடந்த 2016ம் ஆண்டு இவர்களது திருமண வாழ்வு விவகாரத்தில் முடிந்தது.

இந்நிலையில், நேற்று இரவு ஹிமேஷ் ரேஷ்மியா, தொலைக்காட்சி நடிகை சோனியா கபூரை திருமணம் செய்து கொண்டார். ஏற்கனவே இருவரும் நெருக்கமாக பழகி வந்த சூழலில், நேற்று இரவு நடந்த இந்த திடீர் திருமணம், ரசிகர்களை அதிர்ச்சியடையச் செய்துள்ளது.